Poland,તા.06
પોલેન્ડના ક્રાકો નજીક આવેલું ‘અલવર્નિયા પ્લેનેટ’ પોતાની અનોખી વાસ્તુશિલ્પ (સ્થાપત્યકળા)ના કારણે કોઈ એલિયન ગ્રહની ચોકી જેવું દેખાય છે. આ પરિસરમાં એકબીજા સાથે જોડાયેલા ધાતુનાં 13 ગુંબજ છે.
જેને કાચની બનેલી ગેલેરીઓ દ્વારા જોડવામાં આવ્યાં છે. વર્ષ 2000 થી 2002 વચ્ચે નિર્માણ પામેલાં આ અત્યાધુનિક સ્ટુડિયોને ફિલ્મ નિર્માણ, સાઉન્ડ રેકોર્ડિંગ, મોશન કેપ્ચર અને પોસ્ટ-પ્રોડક્શન જેવી અદ્યતન સુવિધાઓને ધ્યાનમાં રાખીને ડિઝાઇન કરવામાં આવ્યો હતો. પોતાની ભવિષ્યવાદી (ફ્યુચરિસ્ટિક) ડિઝાઇનને કારણે આ સૌથી અનોખા ફિલ્મ સ્ટુડિયો પરિસરોમાં ગણવામાં આવે છે.
