ભાયાવદરના બે દારૂના ગુનામાં સંડોવાયેલો કિરણ ઉર્ફે કિલ્લો રાઠોડ ઝડપાયો ૫૦ હજારનો મુદ્દામાલ કબ્જે
Rajkot તા.૨૯ઃ
શહેર ક્રાઈમ બ્રાન્ચે સપાટો બોલાવી ચોરાઉ બાઈક સાથે બુટલેગર અને બાળ આરોપીની ધરપકડ કરી થોરાળા અને બી ડિવિઝન પોલીસ મથકના ગુના નો ભેદ ઉકેલી રૂપિયા ૫૦,૦૦૦ નો મુદ્દામાલ કબજે કરી ધોરણ સર ની કાર્યવાહી હાથ ધરવામાં આવી છે. વધુ વિગત મુજબ શહેરમાં વધતા જતા આર્થિક ગુનાઓને અટકાવવા અને વણ ઉકેલ ગુનાઓનો ભેદ ઉકેલવા પોલીસ કમિશનર બ્રજેશકુમાર ઝા એ આપેલી સૂચનાને પગલે ક્રાઈમ બ્રાન્ચના પી.આઈ એ એસ ચાવડા,એમ.એલ ડામોર અને સી એચ જાદવ ના માર્ગદર્શન હેઠળ સ્ટાફ દ્વારા પેટ્રોલિંગ હાથ ધરવામાં આવ્યું હતું
ત્યારે મૂળ મધ્ય પ્રદેશના અલીરાજપુર જિલ્લાનો વતની અને ઉપલેટા તાલુકાના ખારસીયા ગામે રહેતો કિરણ ઉર્ફે કિલ્લો કૌશિક રાઠોડ નામનો શખ્સ શંકાસ્પદ હાલતમા બાઈક સાથે રખડતો હોવાની હેડ કોન્સ્ટેબલ અમિતભાઈ સંજયભાઈ અને કોન્સ્ટેબલ મહાવીર સિંહ જાડેજા ને મળેલી બાતમીના આધારે પીએસઆઇ ડીપી ઝાલા સહિતના સ્ટાફે ગોઠવેલી વોચ દરમિયાન નીકળેલ કિરણ ઉર્ફે કિલ્લો રાઠોડની અટકાયત કરી બાઈક અંગેની પૂછપરછ કરતા તેણે થોરાળા પોલીસ મથક વિસ્તારમાં ચોરી કરી હોવાની કબુલાત આપતા પોલીસે બાઈક કબજે કરી પ્રાથમિક પૂછપરછમાં ઝડપાયેલ કિરણ ઉર્ફે કિલો રાઠોડ ભાયાવદર પોલીસ પથકના ચોપડે દારૂના બે ગુનામાં ચડી ચૂક્યો છે. જ્યારે પીએસઆઇ વીડી રાવલીયા સહિતના સ્ટાફ પેટ્રોલિંગમાં હતા ત્યારે ૩ ૮૬૦૬ નંબરના બાઈક પર નીકળેલ બાળ આરોપીને અટકાવી બાઈકના નંબર પોકેટ એપ માં સર્ચ કરતા બાઈક ચોરાઉ હોવાનું ખુલ્યું હતું અને વર્ષ ૨૦૨૩ માં બી ડિવિઝન પોલીસ મથક માંથી ચોરી કર્યું હોવાનું કબુલાત આપતા અટકાયત કરી રૂપિયા ૩૦,૦૦૦ ની કિંમત નું બાઈક કબજે કર્યું છે.
