Rajkot, તા. 13
રાજકોટ મહાનગરપાલિકાની ચૂંટણી માટે ઉમેદવારી નોંધાવવાની પ્રક્રિયા 11મી એપ્રિલે પૂર્ણ થઈ છે. આ દરમિયાન 18 વોર્ડની બેઠકો માટે કુલ 554 નામાંકન ફોર્મ ભરવામાં આવ્યા છે. આજે આ તમામ ઉમેદવારોના નામાંકનપત્રની ચકાસણી કરવામાં આવી રહી છે.
જિલ્લા ચૂંટણી તંત્રના જણાવ્યા મુજબ, રાજકોટ મહાનગર પાલિકાની ચૂંટણી માટે ભારતીય જનતા પાર્ટીના ઉમેદવારો દ્વારા સૌથી વધુ 243 ફોર્મ ભરવામાં આવ્યા છે. કોંગ્રેસ પક્ષ તરફથી 144 ફોર્મ, આમ આદમી પાર્ટી દ્વારા 129 ફોર્મ, બહુજન સમાજ પાર્ટી તરફથી 10 અને અપક્ષ તથા અન્ય ઉમેદવારો દ્વારા 28 ફોર્મ ભરવામાં આવ્યા છે.
વોર્ડ વાઈઝ વિગત જોઈએ તો, વોર્ડ નંબર-1 માં કુલ 32 ફોર્મ ભરાયા છે, જેમાં ભાજપના 16, કોંગ્રેસના 8, આપના 6 અને 2 અપક્ષનો સમાવેશ થાય છે.
વોર્ડ નંબર – 2 માં પણ કુલ 32 ફોર્મ આવ્યા છે, જેમાં ભાજપના 16, કોંગ્રેસના 7, આપના 7 અને 2 અપક્ષ છે. વોર્ડ નંબર 3માં કુલ 38 ફોર્મ ભરાયા છે, જેમાં ભાજપના 16, કોંગ્રેસના 12, આપના 8 અને 2 અપક્ષ ઉમેદવારો છે.
વોર્ડ નંબર 4માં સૌથી વધુ 39 ફોર્મ નોંધાયા છે, જેમાં ભાજપના 16, કોંગ્રેસના 8, આપના 10, બીએસપીના 1 અને 4 અપક્ષોએ દાવેદારી કરી છે. વોર્ડ નંબર 5માં કુલ 33 ફોર્મ ભરાયા છે, જેમાં ભાજપના 16, કોંગ્રેસના 8, આપના 8 અને 1 અપક્ષ છે. વોર્ડ નંબર 6માં કુલ 33 ફોર્મ ભરાયા છે, જેમાં ભાજપના 17, કોંગ્રેસના 8 અને આપના 8 ફોર્મનો સમાવેશ થાય છે.
વોર્ડ નંબર 7માં 30 ફોર્મ ભરવામાં આવ્યા છે, જેમાં ભાજપના 18, કોંગ્રેસના 8 અને આપના 4 ફોર્મ છે. વોર્ડ નંબર 8માં 33 ફોર્મ ભરાયા છે, જેમાં ભાજપના 16, કોંગ્રેસના 6, આપના 9 અને 2 બીએસપીના ફોર્મ છે. વોર્ડ નંબર 9માં કુલ 28 ફોર્મ છે, જેમાં ભાજપના 14, કોંગ્રેસના 5, આપના 8 અને 1 અપક્ષ ઉમેદવાર છે.
વોર્ડ નંબર 10માં 25 ફોર્મ ભરાયા છે, જેમાં ભાજપના 10, કોંગ્રેસના 8, આપના 4, બીએસપીના 1 અને 2 અપક્ષ છે. વોર્ડ નંબર 11માં 29 ફોર્મ આવ્યા છે, જેમાં ભાજપના 10, કોંગ્રેસના 8, આપના 8, બીએસપીના 1 અને 2 અપક્ષ છે. વોર્ડ નંબર 12માં 26 ફોર્મ ભરાયા છે, જેમાં ભાજપના 10, કોંગ્રેસના 8 અને આપના 8 ઉમેદવારો છે.
વોર્ડ નંબર 13માં 34 ફોર્મ નોંધાયા છે, જેમાં ભાજપના 15, કોંગ્રેસના 8, આપના 7, બીએસપીના 3 અને 1 અપક્ષ છે. વોર્ડ નંબર 14માં 30 ફોર્મ છે, જેમાં ભાજપના 13, કોંગ્રેસના 8, આપના 7 અને 2 અપક્ષ છે. વોર્ડ નંબર 15માં 35 ફોર્મ ભરાયા છે, જેમાં ભાજપના 15, કોંગ્રેસના 11, આપના 3, બીએસપીના 1 અને 5 અપક્ષનો સમાવેશ થાય છે.
વોર્ડ નંબર 16માં 26 ફોર્મ આવ્યા છે, જેમાં ભાજપના 8, કોંગ્રેસના 8, આપના 8 અને 2 અપક્ષ છે. વોર્ડ નંબર 17માં કુલ 25 ફોર્મ છે, જેમાં ભાજપના 8, કોંગ્રેસના 8, આપના 8 અને 1 અપક્ષ છે. વોર્ડ નંબર 18માં 26 ફોર્મ ભરાયા છે, જેમાં ભાજપના 9, કોંગ્રેસના 7, આપના 8, બીએસપીના 1 અને 1 અપક્ષ ઉમેદવાર છે. આમ, સમગ્ર શહેરમાં ભાજપના 243, કોંગ્રેસના 144, આપના 129, બીએસપીના 10 અને 28 અન્ય/અપક્ષો મળી કુલ 554 ફોર્મ ભરાયા છે.
