એમ.એસ. સુબ્બુલક્ષ્મીનો જન્મ ૧૬ સપ્ટેમ્બર, ૧૯૧૬ના રોજ મદુરાઈમાં થયો હતો
Mumbai, તા.૧૮
અભિનેત્રી Rashmika Mandanna હવે ભારતીય શાસ્ત્રીય સંગીતનાં દિગ્ગજ ગાયિકા એમ.એસ. સુબ્બુલક્ષ્મીની બાયોપિકમાં મુખ્ય ભૂમિકામાં જોવા મળશે. લાંબા સમયથી ચાલી રહેલી અટકળો બાદ ફિલ્મના નિર્માતાઓએ રશ્મિકાને સુબ્બુલક્ષ્મીના પાત્ર માટે સત્તાવાર રીતે પસંદ કરવામાં આવી હોવાની જાહેરાત કરી છે.
ફિલ્મ સત્તાવાર રીતે ૧૬ સપ્ટેમ્બર, ૨૦૨૬ના રોજ લોંચ કરવામાં આવ્યું. આ તારીખ એમ.એસ. સુબ્બુલક્ષ્મીની ૧૧૦મી જન્મજયંતિ પણ છે. ફિલ્મનું દિગ્દર્શન ‘કિંગડમ’ ફેમ ગૌતમ તિન્નનુરી કરશે, જ્યારે અનિરુદ્ધ રવિચંદર ગીતો અને બેકગ્રાઉન્ડ સ્કોર તૈયાર કરશે. લોન્ચ ઇવેન્ટમાં અભિનેતા કમલ હસન મુખ્ય અતિથિ તરીકે હાજર રહેશે.એમ.એસ. સુબ્બુલક્ષ્મીનો જન્મ ૧૬ સપ્ટેમ્બર, ૧૯૧૬ના રોજ મદુરાઈમાં થયો હતો. સંગીતનું વાતાવરણ ધરાવતા પરિવારમાં ઉછરેલાં સુબ્બુલક્ષ્મીએ નાની ઉંમરથી જ કર્ણાટકી સંગીતની તાલીમ લેવાનું શરૂ કર્યું હતું.
૧૯૨૭માં માત્ર ૧૧ વર્ષની ઉંમરે તેમણે તિરુચિરાપલ્લીના રોકફોર્ટ મંદિરમાં પ્રથમ જાહેર પ્રસ્તુતિ આપી હતી. તેમણે સેમ્મંગુડી શ્રીનિવાસ અય્યર પાસેથી કર્ણાટક સંગીત અને પંડિત નારાયણરાવ વ્યાસ પાસેથી હિન્દુસ્તાની શાસ્ત્રીય સંગીતની તાલીમ મેળવી હતી.ગાયિકા તરીકેની કારકિર્દી ઉપરાંત તેમણે ૧૯૩૦ અને ૧૯૪૦ના દાયકામાં કેટલીક ફિલ્મોમાં પણ કામ કર્યું હતું. ‘સેવાસદનમ’ અને ‘મીરા’ તેમની નોંધપાત્ર ફિલ્મોમાં સામેલ છે. ૧૧ ડિસેમ્બર, ૨૦૦૪ના રોજ ૮૮ વર્ષની વયે તેમનું અવસાન થયું હતું.રશ્મિકા આવનારા સમયમાં વિજય દેવરકોંડા સાથે ‘રાણાબલી’માં જોવા મળશે, જે ૧૬ ઓક્ટોબર, ૨૦૨૬ના રોજ રિલીઝ થવાની છે. ત્યારબાદ ‘માયસા’ ૨૭ નવેમ્બરે રિલીઝ થશે.
