આ પ્રસંગે ડિઝાઇનર શિલ્પા રેડ્ડી અને સ્ટાઇલિસ્ટ નીરજા કોના સહિતના નજીકના મિત્રો પણ ઉપસ્થિત રહ્યાં હતાં
Mumbai, તા.૧૮
અભિનેત્રી Samantha Ruth Prabhuએ પતિ અને દિગ્દર્શક રાજ નિદિમોરુ સાથે પરંપરાગત ‘સીમંતમ’ વિધિ કરી હતી. ડિસેમ્બર ૨૦૨૬માં પ્રથમ સંતાનના આગમનની તૈયારી કરી રહેલા દંપતીએ નજીકના મિત્રો અને પરિવારજનોની હાજરીમાં આ પરંપરાગત બૅબી શાવર સેરેમની યોજી હતી. સમંથાએ વિધિની તસવીરો શેર કરવાની સાથે તેની પાછળ રહેલા આધ્યાત્મિક અર્થ વિશે પણ વાત કરી હતી.આ પ્રસંગે સમંથાએ ડાર્ક યલો અને ગોલ્ડ રંગનો પરંપરાગત અનારકલી ડ્રેસ પહેર્યો હતો.
પરંપરાગત જ્વેલરી અને વાળમાં તાજા ફૂલો સાથે તેનો લૂક જોવા મળ્યો હતો. રાજ નિદિમોરુ પણ વિધિમાં તેની સાથે જોડાયા હતા. મોગરાના ફૂલો અને પરંપરાગત દીવાઓથી સજાવાયેલા ખુલ્લા સ્થળે આ વિધિ યોજાયો હતો. આ પ્રસંગે ડિઝાઇનર શિલ્પા રેડ્ડી અને સ્ટાઇલિસ્ટ નીરજા કોના સહિતના નજીકના મિત્રો પણ ઉપસ્થિત રહ્યાં હતાં.સમંથાએ જણાવ્યું કે તે ભારતીય પરંપરાઓનું હંમેશાં સન્માન કરતી આવી છે, પરંતુ દરેક વિધિનો અર્થ તેને ખબર ન હતો. સીમંતમ દરમિયાન શ્રીવિદ્યા ઉપાસક પુરોહિતે દરેક મંત્ર અને વિધિનો અર્થ સમજાવ્યો, જેના કારણે તેને આ પરંપરાનું ઊંડાણ સમજાયું હતું.
વિધિમાં ‘કલા આવરણ’ અથવા ‘શ્રી કલ્પમ’નો પણ સમાવેશ થયો હતો. સમંથાના જણાવ્યા અનુસાર, શ્રીવિદ્યા પરંપરા સાથે જોડાયેલી આ વિધિમાં દેવીની ૯૪ કલાઓનું સન્માન કરવામાં આવે છે. ‘શ્રી ચક્ર યંત્રમ’ અને ‘દેવી ખડ્ગમાળા’ના મંત્રોચ્ચાર પણ કરવામાં આવ્યા હતા.સમંથાએ આ અનુભવને વ્યક્તિગત અને આધ્યાત્મિક ગણાવતા કહ્યું કે વિધિ વિશે લગભગ અજાણ હોવા છતાં તે અંતે પોતાને અને આવનારા બાળક માટે વધુ આભારી અને સુરક્ષિત અનુભવતી હતી.
