ભારતીય ટીમે ફાઇનલમાં ઇરાનને હરાવીને ૯મી વાર એશિયન ગેમ્સનો ગોલ્ડ મેડલ પોતાના નામે કર્યો છે : કાંટાની ટક્કરમાં ભારતે ઇરાનને ફાઇનલમાં ૪૦-૩૪થી હરાવ્યા
New Delhi, તા.૨૬
Indian men’s kabaddi team એશિયન ગેમ્સમાં ઇતિહાસ રચી દીધો છે. ભારતીય ટીમે ફાઇનલમાં ઇરાનને હરાવીને ૯મી વાર એશિયન ગેમ્સનો ગોલ્ડ મેડલ પોતાના નામે કર્યો છે. કાંટાની ટક્કરમાં ભારતે ઇરાનને ફાઇનલમાં ૪૦-૩૪થી હરાવ્યા. આ અગાઉ ભારતની મહિલા ટીમે પણ ગોલ્ડ મેડલ પોતાના નામે કર્યો હતો.
ભારત માટે એશિયન ગેમ્સમાં આજનો દિવસ શાનદાર રહ્યો છે. મેન્સ અને વિમેન્સ કબડ્ડીમાં ભારતે બે ગોલ્ડ મેડલ જીતીને ઇતિહાસ બનાવી દીધો છે. ભારતના આ એશિયન ગેમ્સમાં ૪ ગોલ્ડ મેડલ સહિત કુલ ૨૮ મેડલ થઈ ગયા છે અને મેડલ ટેલીમાં ભારત ૧૨માંથી ૧૦માં નંબરે પહોંચી ગયું છે.
ભારતીય ખેલાડીઓએ બીજા હાફમાં જોરદાર વાપસી કરી. ઇરાન વિરુદ્ધ પહેલા હાફમાં પાછળ રહ્યા બાદ ભારતે આક્રમક રમત દેખાડી અને ઇરાનની ટીમને ઓલઆઉટ કરી લીડ બનાવી. મેચ ખતમ થવા સુધીમાં ૧૦ મિનિટ બાકી હતી. ત્યારે ભારતે ઇરાન પર પાંચ અંકની લીડ બનાવી રાખી હતી. ઇરાની ટીમ ભારતની વાપસીથી પ્રેશરમાં આવી ગઈ. ભારતે ત્યાર બાદ લીડને મજબૂત કરી. શાનદાર લયને જાળવી રાખતા ભારત સતત ઇરાન પર પ્રેશર વધારી રાખ્યું. ખિતાબી મેચના પ્રથમ હાફમાં બંને ટીમો વચ્ચે જબરદસ્ત ટક્કર જોવા મળી. મેચની શરૂઆતમાં ઇરાને આક્રમક રમત દેખાડતા પ્રેશર બનાવ્યું પણ ભારતીય ટીમે શાનદાર વાપસી કરી. ભારતે મુશ્કેલ ઘડીમાં શાનદાર સુપર ટેકલના દમ પર અંક મેળવ્યા અને ઇરાન પર લીડ બનાવી. જો કે, ઇરાની ખેલાડીઓએ પલટવાર કરતા ભારતને ઓલઆઉટ કરી દીધું અને ૧૪-૧૩ની લીડ પ્રાપ્ત કરી. ત્યાર બાદ ભારતે વાપસીના પ્રયાસ ચાલુ રાખ્યા, પણ પ્રથમ હાફ ખતમ થવા સુધીમાં ઇરાન ૧૮-૧૭થી મામૂલી લીડ બનાવી રાખવામાં સફળ રહ્યું.
ભારતીય પુરુષ કબડ્ડી ટીમે સેમિફાઇનલમાં થાઈલેન્ડને ૬૬-૨૮ના મોટા અંતરથી ભૂંડી હાર આપી હતી. મેચની શરૂઆતથી જ ભારતીય ખેલાડીઓએ પોતાનો દબદબો બનાવી રાખ્યો હતો. શરૂઆતી પાંચ મિનિટની અંદર ભારતે ૭-૧ની લીડ બનાવી હતી. જો કે ત્યાર બાદ થાઈલેન્ડના સ્ટાર ખેલાડી ધીરાદત ચાઈસિતે થોડા સમય માટે ભારતીય ટીમને પડકાર આપ્યો.
ધીરાદતે એક શાનદાર રેડમાં ત્રણ પોઈન્ટ મેળવી ભારતને ઓલઆઉટ કરી દીધું અને અંતરને ૧૪-૨૩ સુધી લાવી દીધું. ધીરાદતની આ ઝુઝારુ કોશિશ છતાં ભારતીય ટીમે પોતાની લય જાળવી રાખી. હાફ-ટાઇમ સુધી ભારતે ૩૭-૧૮ની લીડ બનાવી રાખી. મેચના બીજા હાફમાં આખો પક્ષ ભારત તરફી રહ્યો. મેચમાં ૧૧ મિનિટ બાકી રહેલા ભારતે ૫૦ પોઈન્ટનો આંકડો પાર કરી લીધો. થાઈલેન્ડને વાપસી કરવાનો એક પણ મોકો ન આપતા ભારતે આ મેચમાં ૬૬-૨૮થી પોતાના નામે કરી લીધી.
પુરુષોની કબડ્ડી ૧૯૯૦થી એશિયન ગેમ્સનો ભાગ રહી છે અને ભારતે અત્યાર સુધીમાં નવ ગોલ્ડ મેડલ જીત્યા છે. ભારત સિવાય આ સ્પર્ધામાં ગોલ્ડ મેડલ જીતનાર એકમાત્ર અન્ય દેશ ઈરાન છે, જે ૨૦૧૮માં ચેમ્પિયન બન્યું હતું. તે સમયે ભારતીય ટીમે બ્રોન્ઝ મેડલથી સંતોષ માનવો પડ્યો હતો.
ભારતીય પુરુષ ટીમ વર્તમાન ચેમ્પિયન પણ છે. સેમીફાઇનલમાં થાઈલેન્ડને ૬૬-૨૮થી હરાવીને તેણે નવમો ગોલ્ડ મેડલ જીતવાની પોતાની આશાઓને મજબૂત બનાવી હતી. આ પહેલા ભારતીય ટીમે દક્ષિણ કોરિયા, જાપાન, બાંગ્લાદેશ, ચાઈનીઝ તાઈપેઈ અને થાઈલેન્ડને હરાવ્યા હતા. ભારતે ગ્રુપ સ્ટેજમાં પોતાની તમામ મેચો જીતી હતી.
૨૦૧૦ની ગુઆંગઝૂ ગેમ્સમાં મહિલા કબડ્ડીની શરૂઆત થઈ ત્યારથી, ભારતીય મહિલા કબડ્ડી ટીમે દરેક એશિયન ગેમ્સમાં ગોલ્ડ મેડલ જીત્યો છે, સિવાય કે જકાર્તામાં યોજાયેલી ૨૦૧૮ની ગેમ્સમાં જ્યાં તેઓ ફાઇનલમાં ઈરાન સામે હારી ગયા હતા.
