Rajkot તા.૧૩
હોશિયાર અને મહેનતુ વિદ્યાર્થી વી.વી.પી. માં કોઈપણ જાતની ફી વિના એન્જિનિયરિંગ કરી શકે એવી અનેક સ્કોલરશીપ વી.વી.પી. એ અમલમાં મૂકી છે. વી.વી.પી. ને ૩૦ વર્ષો પૂર્ણ થયા છે. સૌરાષ્ટ્ર- કચ્છની સર્વપ્રથમ સેલ્ફ ફાઇનાન્સ ડિગ્રી એન્જિનિયરિંગ કોલેજ હોવા છતાં વી.વી.પી. ની ફી મધ્યમ વર્ગને પોસાય એવી છે. એમાં પણ નીચે મુજબની અનેક સ્કોલરશીપનો ઉમેરો એ સોનામાં સુગંધનો સમન્વય છે.
૧) મેરીટ આધાર પ્રવેશ સ્કોલરશીપઃવી.વી.પી.માં પ્રથમ વર્ષ ડિગ્રીમાં પ્રવેશ મેળવનાર વિદ્યાર્થીઓને જેટલા મેરીટ માર્ક્સ હોય તેને રૂપિયા ૧૦૦ થી ગુણવાથી જે રકમ આવશે એટલા રૂપિયાની સ્કોલરશીપ વિદ્યાર્થીને આપવામાં આવશે.
ઉદાહરણ તરીકે ૯૫ મેરીટ માર્ક્સ ધરાવતા વિદ્યાર્થીને રૂપિયા ૯૫૧૦૦ = રૂપિયા ૯૫૦૦/- ની સ્કોલરશીપ આપવામાં આવશે એ જ રીતે ડિપ્લોમામાં પ્રથમ વર્ષમાં પ્રવેશ મેળવનાર વિદ્યાર્થીને મેરીટ માર્ક્સ ને ૫૦ થી ગુણવાથી જે જવાબ આવે એટલી રકમની સ્કોલરશીપ આપવામાં આવશે.
ઉદાહરણ તરીકે ૯૬ મેરિટમાર્ક ધરાવતા વિદ્યાર્થીને ૯૬૫૦ = ૪૮૦૦/- રૂપિયા ની સ્કોલરશીપ આપવામાં આવશે.
વી.વી.પી. ની ડીગ્રી એન્જિનિયરિંગ ની એક સેમેસ્ટરની ફી માત્ર રૂપિયા ૫૩,૮૨૯/- છે અને ડિપ્લોમા એન્જિનિયરિંગ ની એક સેમેસ્ટરની ફી માત્ર રૂપિયા ૨૭,૮૨૫/- છે છતાં વી.વી.પી. માં શ્રેષ્ઠ શિક્ષણ, શ્રેષ્ઠ પરિણામ અને શ્રેષ્ઠ પ્લેસમેન્ટ આપવામાં આવે છે.
વધુ ઉલ્લેખનીય એ છે કે વિધાર્થી જે ફી માં પ્રવેશ મેળવશે એ જ ફી સમગ્ર અભ્યાસક્રમ દરમિયાન લાગુ રહેશે. મોંઘવારી કે ફુગાવાના કારણે કોલેજ ફી માં કોઈ વધારો નહીં થાય.
૨) પરિણામ આધારિત સ્કોલરશીપઃપ્રવેશ લીધા બાદ પણ સમગ્ર અભ્યાસક્રમ દરમિયાન મેળવી શકાય એવી વી.વી.પી. ની આ અનન્ય સ્કોલરશીપ છે. જે કદાચ સમગ્ર ભારતમાં માત્ર વી.વી.પી. જ આપે છે. ડિગ્રી એન્જિનિયરિંગમાં યુનિવર્સિટી પરીક્ષાઓમાં ક્લાસ પ્રથમ ક્રમાંક મેળવનાર વિદ્યાર્થીને રૂપિયા ૨૫,૦૦૦/- ની સ્કોલરશીપ આપવામાં આવે છે. એ જ રીતે ડિપ્લોમા એન્જિનિયરિંગ માં ક્લાસમાં પ્રથમ ક્રમાંક પ્રાપ્ત કરનાર વિદ્યાર્થીને રૂપિયા ૧૧,૦૦૦/- ની સ્કોલરશીપ આપવામાં આવે છે. તદુપરાંત અભ્યાસક્રમના અંતે જી.ટી.યુ.માં ટોપ ટેનમાં ક્રમાંક પ્રાપ્ત કરનાર વિદ્યાર્થીને બધા સેમેસ્ટરની ૧૦૦ ટકા સુધીની ફી પરત અને ઉપરાંતમાં રૂપિયા ૧ લાખ સુધીના રોકડ પુરસ્કાર આપવામાં આવે છે.
૩) લેપટોપ સબસીડીઃડિગ્રી, ડિપ્લોમા કે ડિપ્લોમા ટુ ડિગ્રીમાં પ્રવેશ મેળવનાર વિદ્યાર્થીને રૂપિયા ૭૫૦૦/- ની લેપટોપ સબસીડી કોલેજ યોજના અનુસાર આપવામાં આવે છે
૪) ટ્રાન્સપોર્ટેશન સબસીડીઃ વી.વી.પી. કોલેજ બસનો ઉપયોગ કરતા વિદ્યાર્થીઓને ટ્રાન્સપોર્ટેશન ફી માં રૂપિયા ૫,૦૦૦/- ની સબસીડી આપવામાં આવે છે.
૫) રીસર્ચ પુરસ્કારઃં વિદ્યાર્થીઓને રિસર્ચ પેપર પ્રેઝન્ટેશન, પબ્લિકેશન અને કોન્ફરન્સ-વર્કશોપ-સિમ્પોઝિયમાં યુનિવર્સિટી, રાજ્ય અને રાષ્ટ્રીય સ્તરે ભાગ લેવા માટે રોકડ પુરસ્કાર અને રહેવા-જમવા-રજીસ્ટ્રેશન ફી વગેરેનો ખર્ચ કોલેજ યોજના અનુસાર આપવામાં આવે છે.
૬) ફ્રી થેલેસેમિયા ટેસ્ટઃઃવી.વી.પી. માં તમામ વિદ્યાર્થીઓનો થેલેસેમિયા ટેસ્ટ કોઈપણ જાતના ખર્ચ વિના કરવામાં આવે છે.
૭) બુક બેંક – ટૂલ બેંકઃએન્જિનિયરિંગ માટે જરૂરી તમામ ટુલ્સ માટે વિદ્યાર્થીઓને કોઈપણ જાતનો ખર્ચ કરવો નહીં પડે.બુક બેંક યોજના અંતર્ગત વિદ્યાર્થીઓને સમગ્ર અભ્યાસક્રમ દરમિયાન નજીવા ઘસારા ખર્ચથી પુસ્તકો આપવામાં આવે છે
૮) વીમા યોજનાઃવિદ્યાર્થી અને વાલીનો વીમો પણ વી.વી.પી. પોતે પ્રીમિયમ ભરીને લે છે. વાલીનું અવસાન થતાં ફી ના કારણે વિદ્યાર્થીનો અભ્યાસ ન બગડે એ રીતે વીમા કંપની દ્વારા જ કોલેજ ફી ભરાઈ જાય એ પ્રકારનો વાલીનો વીમો પણ વી.વી.પી.ની ભારતમાં કદાચ એકમાત્ર યોજના છે.
