Jamnagar તા.૧૪ઃ
જામનગરના હાલાર હાઉસ વિસ્તારમાં રહેતી ૩૨ વર્ષીય મહિલાએ અગમ્ય કારણોસર ઝેરી દવા પી લેતાં સારવાર મળે તે પહેલાં તેનું મોત નીપજ્યું હતું.પોલીસના જણાવ્યા મુજબ, હાલાર હાઉસ પાસે સ્ટાર એપાર્ટમેન્ટમાં રહેતા રમેશભાઈ બાબુભાઈ ગરસાણીયાએ જાણ કરતાં સીટી-બી ડિવિઝન પોલીસ મથકમાં અપમૃત્યુની નોંધ કરવામાં આવી છે. તેમના જણાવ્યા મુજબ, તેમના પત્ની મીનાબેન રમેશભાઈ ગરસાણીયા (ઉ.વ.૩૨)એ તા.૧૩ના સાંજે પોતાના ઘરે અગમ્ય કારણોસર ઝેરી દવા પી લીધી હતી.ઝેરી દવાની અસર થતાં મીનાબેનનું મોત નીપજ્યું હતું. બનાવ અંગે સીટી-બી ડિવિઝન પોલીસે બી.એન.એસ.એસ.ની કલમ ૧૯૪ મુજબ અપમૃત્યુની નોંધ કરી વધુ તપાસ હાથ ધરી છે.
