Cape Town,તા.08
દક્ષિણ આફ્રિકાનાં ઝડપી બોલર કાગિસો રબાડાએ કહ્યું કે, ઓસ્ટ્રેલિયાને હરાવવું એ કંઈ નવી વાત નથી. ઓસ્ટ્રેલિયા સામે દ. આફ્રિકા આ વર્ષે જૂનમાં વર્લ્ડ ટેસ્ટ ચેમ્પિયનશિપની ફાઈનલ રમશે.
વર્તમાન ચેમ્પિયન ઓસ્ટ્રેલિયાએ સિડનીમાં બોર્ડર-ગાવસ્કર ટ્રોફીની પાંચમી અને અંતિમ ટેસ્ટમાં ભારતને છ વિકેટથી હરાવીને ડબલ્યુટીસીના ફાઇનલમાં પોતાનું સ્થાન નિશ્ચિત કરી લીધું હતું. દક્ષિણ આફ્રિકાએ પહેલાં જ ફાઈનલમાં પોતાનું સ્થાન નિશ્ચિત કરી લીધું હતું.
રબાડાએ કહ્યું કે હજુ ઘણો સમય બાકી છે, પરંતુ વર્લ્ડ ટેસ્ટ ચેમ્પિયનશિપ ફાઈનલ જેવી મોટી તક માટે દ.આફ્રિકા ટીમ તૈયાર છે, તેમણે કહ્યું કે દક્ષિણ આફ્રિકા અને ઓસ્ટ્રેલિયા વચ્ચે હંમેશાં મજબૂત દુશ્મનાવટ રહી છે કારણ કે બંને ટીમો ખૂબ સમાન રીતે ક્રિકેટ રમે છે. તેમણે કહ્યું કે અમે જાણીએ છીએ કે ઓસ્ટ્રેલિયા અમારી સામે કઠિન પડકાર રજૂ કરશે પરંતુ અમે તેને કેવી રીતે હરાવવું તે પણ જાણીએ છીએ.
