Vadodara, તા.6
મહિલા પ્રીમિયર લીગ 2026 ફક્ત ક્રિકેટનો જ નહીં, પણ પૈસા અને પુરસ્કારોનો પણ ઉત્સવ સાબિત થયો. સ્મૃતિ મંધાનાની રોયલ ચેલેન્જર્સ બેંગ્લોરે શાનદાર પ્રદર્શન કરીને જેમીમા રોડ્રિગ્સની દિલ્હી કેપિટલ્સને હરાવીને ટાઇટલ જીત્યું. આ જીત સાથે, RCB ખેલાડીઓ અને ટીમ સ્ટાફ પર પુરસ્કારોનો વરસાદ થયો. દરમિયાન, રનર-અપ દિલ્હી કેપિટલ્સને પણ 3 કરોડ રૂપિયાનું ઇનામ મળ્યું.
સ્મૃતિ મંધાના અને સોફી ડિવાઈન ફાઇનલ અને સિઝન બંનેમાં એવોર્ડ્સમાં ચમક્યા. મંધાનાને પ્લેયર ઓફ ધ મેચ, મોસ્ટ સિક્સ ઓફ ધ મેચ અને ઓરેન્જ કેપ જેવા એવોર્ડ મળ્યા. સોફી ડિવાઈનને મોસ્ટ વેલ્યુએબલ પ્લેયર ઓફ ધ સિઝન, મેચ આઈક્યુ ઓફ ધ સિઝન અને પર્પલ કેપ મળ્યા.
ટીમ એવોર્ડ્સમાં, આરસીબીને 6 કરોડ રૂપિયા, લિમિટેડ એડિશન વોચ અને જીત માટે વિજેતા ટ્રોફી મળી. રનર-અપ દિલ્હી કેપિટલ્સને પણ લિમિટેડ એડિશન વોર, 3 કરોડ રૂપિયા અને રનર-અપ શિલ્ડ મળી.
સ્મૃતિ મંધાના અને સોફી ડિવાઈને આ સિઝનમાં પોતાની પ્રતિભા અને પ્રદર્શનથી બધાને પ્રભાવિત કર્યા. RCB એ માત્ર મેચ જીતી જ નહીં પરંતુ પુરસ્કારો અને ઈનામોનો સિંહફાળો પણ પોતાના નામે કર્યો. દિલ્હી કેપિટલ્સે રનર-અપ સન્માન મેળવ્યું, પરંતુ વ્યક્તિગત ખેલાડીઓએ તેજસ્વી દેખાવ કરીને સિઝનને યાદગાર બનાવી દીધી.
