Washington,તા.22
અમેરિકાના પ્રમુખ ડોનાલ્ડ ટ્રમ્પે હવે ઈરાન તરફની વાટાઘાટની દરખાસ્ત ન આવે ત્યાં સુધી એક તરફી યુદ્ધ વિરામની કરેલી જાહેરાત બાદ અમેરિકાના નાણામંત્રી સ્કોટ બેસેટે દાવા કર્યા કે હવે ઈરાનને આર્થિક રીતે ગુંગળાવી દેવાશે.
ઈરાનના હોર્મુઝ જળમાર્ગની નાકાબંધી ચાલુ રહેશે. ઈરાનના અન્ય બંદરોની પણ નાકાબંધી કરાશે. અમેરિકી મંત્રીએ જણાવ્યું કે થોડા જ દિવસમાં ખર્ગ દ્વીપમાં ઈરાનના ઓઈલ સ્ટોરેજ ભરાઈ જશે પણ તે ક્રુડતેલની નિકાસ કરી શકશે નહી જે સીધી રીતે ઈરાનને આર્થિક રીતે ફટકો મારશે.
તેઓએ કહ્યું કે, અમો ઈરાનની કમાણી બંધ કરી છે. તેઓએ ઈરાનને મદદ કરનારા દેશો કે કંપનીઓને પણ ચેતવણી આપી છે અને જો કોઈ ઈરાન સાથે ચોરીછુપીથતી પણ વ્યાપાર કરવા પ્રયાસ કરશે તો તેના પર અમેરિકા પ્રતિબંધ લાદી દેશે. અમેરિકાએ તા.13થી હોર્મુઝ જળમાર્ગની નાકાબંધી ચાલુ રાખી છે.
