કરીમ સિપાહી દ્વારા આદિત્ય પટેલ નામે ૨૦થી વધુ Hindu યુવતીઓ સાથે છેતરપિંડી, શારીરિક શોષણ અને બ્લેકમેલનો કિસ્સો

(એચ.એસ.એલ),Ahmedabad,તા.૧૫
અમદાવાદઃ લૂંટેરી દુલ્હનના વધતા જતા કિસ્સાઓ વચ્ચે ઓફલાઈન તો ઠીક હવે ઓનલાઈન વર કે વધુ શોધવો પણ સુરક્ષિત નથી! જી હાં, આવો જ એક કથિત “મેટ્રોમોનિયલ લવ જિહાદ” મામલો શહેરમાં હાલ ચર્ચામાં આવ્યો છે. જે મામલે વિધર્મી યુવકે જીવનસાથી ઓનલાઈન એપ મારફતે ૨૦થી વધુ યુવતીઓ સાથે છેતરપિંડી અને શોષણ કર્યું હોવાનો બજરંગદળે આરોપ લગાવ્યો છે. બજરંગ દળનો એક પીડિત મહિલાએ સંપર્ક કરતા આ આખું ષડયંત્ર સામે આવ્યું છે અને મહિલા ક્રાઈમ બ્રાન્ચમાં ફરિયાદ કરવામાં આવી છે.
સમગ્ર મામલે વિગતે માહિતી આપતા બજરંગ દળના સહસંયોજક જવલિત મહેતાએ જણાવ્યું કે, થોડા દિવસ અગાઉ મહિલાએ તેમની કાર્યાલયનો સંપર્ક કર્યો હતો. ત્યારે મહિલાએ કહ્યું હતું કે, જીવનસાથી નામની એપ્લિકેશન ઉપર આદિત્ય પટેલ નામના વ્યક્તિને મળીને વાતચીત કરી હતી. યુવકે પોતે આદિત્ય પોલિસ્ટર નામની કંપની હોવાનું જણાવ્યું હતું. મહિલાએ એક વારમાં ઉત્તર આપવા ઇનકાર કર્યો બાદમાં ત્રણથી ચાર વખત સંપર્ક થયો હતો.
મહિલાને યુવક સાથે વાતચીતમાં ટ્રૂ કોલરમાં કરીમ નામ આવતા મહિલાને શંકા ગઈ હતી. યુવકે જે જે સોસાયટીનું સરનામું આપ્યું હતું, ત્યાં તપાસ કરતા આદિત્ય પટેલ નામનો વ્યક્તિ મળ્યો ન હતો. વધુ ઊંડાણમાં તપાસ કરતા ઓનલાઈન પોતે આદિત્ય પટેલ હકીકતમાં કડીનો કરીમ સિપાહી હોવાનું સામે આવ્યું હતું અને તેનો મોબાઈલ ફોન તપાસતા તેમાં ૨૦થી વધુ મહિલાઓની પ્રોફાઈલ હતી. ૮૦૦૦થી વધુ મહિલાઓના ફોટા અને વીડિયો મળી આવ્યા હતા.
બજરંગ દળ અને પીડિત મહિલાનો દાવો છે કે, આ વિધર્મી જીવનસાથી.કોમ નામની સંસ્થા વેરિફિકેશન કર્યા વગર લોકોના જીવન સાથે ચેડા કરે છે. તેણે ઉદ્યોગપતિના નામે અનેક ફેક પ્રોફાઈલ બનાવી જીવનસાથી મેટ્રોમોનિયલ એપ પર ડિવોર્સી અને વિધવા મહિલાઓનો સંપર્ક કરતો હતો. બજરંગ દળને વિધર્મી યુવકના મોબાઈલમાંથી મોટી સંખ્યામાં વાંધાજનક ફોટો-વિડિયો મળ્યા છે. દરેક મહિલાઓ સાથે બાંધેલા શારીરિક સંબંધ બાદ બ્લેકમેલ કર્યા હતા.
સમગ્ર મામલે પીડિત મહિલાએ જણાવ્યું કે, આ યુવકે જીવનસાથી એપ્લિકેશન ઉપર ખોટા દસ્તાવેજ રજૂ કર્યા હતા. મુસ્લિમ હોવા છતાં પટેલ હોવાના ખોટા પુરાવા રજૂ કર્યા. આધારકાર્ડ, પાન કાર્ડ, રેશન કાર્ડ, પત્ની મરી ચૂકી છે તેવું ખોટું ડેથ સર્ટી તમામ દસ્તાવેજ ખોટા દર્શાવી હિન્દૂ હોવાનો ઢોળ કરતો હતો અને ૭૦,૦૦૦ રૂપિયાની તેણે મારી પાસે માંગણી કરી હતી. જે સરનામું તેણે આપ્યું ત્યાં અમે તપાસ કરી, જ્યાં આ નામની કોઈ વ્યક્તિ ન હતી. મને ખબર પડતાં તેને મુસ્લિમ હોવાનું પૂછ્યું ત્યારે કરીમએ કહ્યું કે પરિવારમાં સમસ્યા છે. સમય આવે હું સાચું કહી દઈશ. મને સ્મ્છ અભ્યાસ કર્યો હોવાનું કહેતો હતો. અમે ૫થી ૬ મહિના સુધી સંપર્કમાં હતા.
હાલ આ મામલે પીડિત મહિલાએ મહિલા ક્રાઈમમાં ફરિયાદ થઈ છે. ત્યારે પોલીસ તપાસમાં સામે આવ્યું છે કે, આ યુવક વિધવા અને ડિવોર્સ લીધેલ મહિલાઓને ટાર્ગેટ કરતો હતો. તેની પ્રોફાઈલ ચાર વર્ષ જૂની છે, જોકે તે અગાઉ કેટલી વાર હિન્દુ મહિલાઓ સાથે આવી હરકત કરતો હતો તે તપાસનો વિષય છે. જે મહિલાઓના ફોટા તેના મોબાઈલમાં મળી આવ્યા છે તે મહિલાઓનો પોલીસ સંપર્ક કરી રહ્યા છે. આટલું જ નહીં, આ નરાધમે જેનું નામ લઈ આ કાળા કામ કર્યા છે, તે આદિત્ય ચીમનભાઈ પટેલ નામના એક ઉદ્યોગપતિ ખરેખરમાં છે તેમનો પણ પોલીસ સંપર્ક સાધવાનો પ્રયાસ કરી રહી છે.