જેતપુર, ,જસદણના ગઢડીયા ગામે, લોધિકાના આંબલીયાળા ગામે, ગોંડલ અને તાલુકા પોલીસે બાજી ઊંધી વાળી ,૨.૮૯ લાખનો મુદામાલ કબ્જે કર્યા
Rajkot તા.૨૫
રાજકોટ ગ્રામ્યના અલગ અલગ પોલીસ સ્ટેશન દ્વારા અલગ અલગ વિસ્તારમાં જુગારના દરોડામાં જેતપુર ઉદ્યોગનગરમાં નયના પ્રિન્ટ કારખામાં, જસદણ પોલીસ સ્ટેશન દ્વારા ગઢડીયા ગામની સીમમાં, લોધિકા પોલીસ સ્ટેશન દ્વારા આંબલીયાળા ગામે, ગોંડલ પોલીસ સ્ટેશન દ્વારા શેમળાપરામાં, ગોંડલ સીટી પોલીસ સ્ટેશન દ્વારા વિજયનગર પાસે દરોડામાં ૩૧ શખ્સોને જુગટુ રમતા ઝડપી પાડ્યા હતા અને રૂ ૨૮૯૩૯૦ નો મુદામાલ પોલીસે ઝપ્ત કરી વધુ કાર્યવાહી હાથ ધરી હતી
આ અંગે મળતી માહિતી મુજબ રાજકોટ રેન્જ આઇજી નિર્લિપ્ત રાય દ્વારા જુગારધામ શોધી અને દરોડા પાડવાની સૂચનાના પગલે જેતપુર ઉદ્યોગ નગર પોલીસ સ્ટેશન ની ટીમ પેટ્રોલિંગમાં હતી એ દરમિયાન રાજુભાઈ સાંબળને ખાનગી રાહે બાતમી મળેલ કે જેતપુર નવાગઢ બળદેવ ધાર પાછળ દાવલશા પીરની દરગાહ પાસે નયન પ્રિન્ટ કારખાનાની બહાર જુગારધામ ચાલતું હોવાની બાતમી આધારે દરોડો પાડતા જેતપુર રહેતા વિનોદ નારણભાઈ ચભાડીયા, ( કારખાનાના માલિક)દિનેશ નાનજીભાઈ પાનસુરીયા, પ્રવીણ બાવચંદભાઈ ભુવા, હરસુખ હરિભાઈ ઢોલરીયા, કિશોર મોહનભાઈ ચભાડીયા ને ઝડપી પાડ્યા હતા અને રૂપિયા ૨૧૦૯૦ રોકડા રૂ ૨૫૦૦૦ ના ૫ મોબાઈલ, રૂ ૧૫૦૦૦૦ ના ૩ બાઇક સહિત રૂ ૧૯૬૦૯૦નો મુદ્દામાલ જપ્ત કર્યો હતી બીજા બનાવમાં જસદણ પોલીસ સ્ટેશન ની ટીમ પેટ્રોલિંગમાં હતી એ દરમિયાન એએસઆઈ જયંતીભાઈ મજીઠીયા, સંજયભાઈ રાણવા સુનિલભાઈ તલસાણીયા ને સયુંકત રાહે બાતમી મળી હતી કે જસદણ તાલુકાના ગઢડીયા ગામની સીમ શિવરાજપુર જવાના રસ્તે કિશન પ્રેમજી ચાવડાની વાડીએ જાહેરમાં જુગાર રમતું હોવાની વાતની આધારે દરોડો પાડતા ગઢડીયા ગામે રહેતા દિપક રવજીભાઈ પરમાર, દેવરાજ ભાયાભાઈ ઓતરાદી, અજય વિનુભાઈ પરમાર, જગદીશ ગોરધનભાઈ જિંજરિયા, વિશાલ રમેશભાઈ ચાવડા, કિશન પ્રેમજીભાઈ ચાવડા, બળવંત ભીખાભાઈ ઓતરાદી, હરેશ વાલજીભાઈ સાસકિયા, ચેતન ધનાભાઈ વાવડીયા ને ઝડપી પાડ્યા હતા અને રૂ૫૩૨૫૦ નો મુદામાલ જસદણ પોલીસે જપ્ત કર્યો હતો ત્રીજા બનાવમાં લોધીકા પોલીસ સ્ટેશન ની ટીમ પેટ્રોલિંગમાં હતી એ દરમિયાન કોન્સ્ટેબલ અભય ભાઈ રાઠોડ ને કોટડા સાંગાણી તાલુકાના આંબલીયાળા ગામે ખડ વંથલી જવાના રસ્તે જુગારધામ ચાલતું હોવાની બાતમી આધારે દરોડો પાડતા વણથલી ગામે રહેતા રમેશ મોહનભાઈ કતબા, ચંદુ મોહનભાઈ કંડોલીયા, અશોક મનજીભાઈ કથીરિયા, ગિરીશ રણછોડભાઈ કતબા, સંજય છગનભાઈ કતબા, અશોક રામજીભાઈ ભૂત, ને જુગટુ રમતા ઝડપી પાડ્યા હતા અને રૂ ૧૭૬૦૦નો મુદામાલ લોધીકા પોલીસે ઝપ્ત કર્યો હતો ચોથા બનાવવા ગોંડલ તાલુકા પોલીસ સ્ટેશન ની ટીમ પેટ્રોલમાં હતી એ દરમિયાન, કોન્સ્ટેબલ ચંદનસિંહ પરમાર ને ગોંડલ તાલુકાના શેમડાપરામાં પાણીના ટાંકા પાસે જાહેરમાં જુગતું રમતા હોવાની બાતમી આધારે દરોડો પાડતા શામળા ગામે રહેતા મુકેશ લાલજીભાઈ સોરઠીયા, રમેશ બચુભાઈ પરમાર, ભાવેશ ગોરધનભાઈ મકવાણા, પ્રવીણ બચુભાઈ પરમાર, રાજુ બચુભાઈ સોલંકી ને જુગટુ રમતા ઝડપી પાડ્યા હતા રૂ ૧૨૨૦૦નો મુદામાલ ગોંડલ તાલુકા પોલીસે કબજે કર્યો હતો પાચમાં બનાવમાં ગોંડલ સીટી બી ડિવિઝન પોલીસ સ્ટેશનની ટીમ પેટ્રોલિંગમાં હતી એ દરમિયાન કોન્સ્ટેબલ હિતેન્દ્રસિંહ ગોહિલને વિજયનગર ખોડીયાર માતાજીની ઘાબી પાછળ જાહેરમાં જુગતું રમતા હોવાની બાતમી આધારે દરોડો પાડતા ગોંડલ રહેતા અજય માવજીભાઈ સોલંકી, માવજી વીરજીભાઈ સોલંકી, ધરમ માવજીભાઈ સોલંકી, મનુ ભીખાભાઈ સોલંકી, ઉમેશ પ્રવીણભાઈ સોલંકી, દિનેશ વજુભાઈ સોલંકી ને જુગટુ રમતા ઝડપી પાડ્યા હતા અને રૂ ૧૦૨૫૦ નો મુદામાલ ગોંડલ સીટી ડિવિઝન પોલીસે કબ્જે કર્યો હતો અને વધુ કાર્યવાહીહાથ ધરી હતી
