Rajkot, તા.16
Gold-Silverમાં વધઘટે તેજીનો જ માહોલ રહ્યો હોય તેમ આજે ફરી ઉછાળો નોંધાયો હતો. સોનુ 79000ના સ્તરે પહોંચી ગયું હતું. વિશ્વસ્તરે જુદા – જુદા દેશો વચ્ચે વધતા ભૌગોલિક ટેન્શનનો પ્રત્યાઘાત છે.
રશિયા – યુક્રેન તથા ઇઝરાયેલ-હમાસ વચ્ચે યુદ્ધ ચાલી જ રહ્યા છે. અમેરિકામાં ઇઝરાયેલમાં સૈનિકો મોકલવાનું જાહેર કરતા આવતા દિવસોમાં ચીન જેવા અન્ય દેશો પોતાના સાથી દેશોને મદદ કરવા મેદાને આવે તેવી ભીતિ વ્યકત થવા લાગી હતી. આ અટકળોને પગલે સોના-ચાંદીના ભાવમાં દરેક ઘટાડે ઉછાળો આવતો રહ્યો છે.
સોની વેપારીઓના કહેવા પ્રમાણે સોના-ચાંદીમાં વૈશ્વિક તેજી ઉપરાંત ઘરઆંગણે ડોલર સામે રૂપિયો નબળો પડવાની પણ અસર છે. નબળા રૂપિયાને કારણે આયાત મોંઘી બની શકે છે. વિશ્વ બજારમાં સોનાનો ભાવ ‘ઓલટાઇમ હાઇ’ થયો હતો. બપોરે ચાલુ બજારે 2681 ડોલર સાંપડ્યો હતો. ચાંદીના 31.86 ડોલર હતા.
Rajkot ખાતે હાજર સોનુ 600 રૂપિયાના ઉછાળાથી 79000ની સપાટીએ પહોંચી ગયું હતું. ગત દશેરાની સપાટી કરતા પણ વધી ગયું હતું. ચાંદીનો ભાવ રૂા.1250ના ઉછાળાથી 94000ના સ્તરે પહોંચ્યો હતો. કોમોડીટી એક્સચેંજમાં સોનુ 76750 તથા ચાંદી 92350 હતી.
ભૌગોલિક ટેન્શન, જુદા-જુદા દેશોની સેન્ટ્રલ બેંકોની જંગી ખરીદી સહિતના કારણોથી ભાવ 80000 કે તેથી વધુ થવાની આગાહી નિષ્ણાંતો કરતા જ હતા તે સ્તરે હવે આવી જવાના આરે છે.
