Lucknow,તા.૩
ઉત્તર પ્રદેશમાં, બદાઉન જામા મસ્જિદ વિ નીલકંઠ મહાદેવ મંદિર કેસની સુનાવણી મોકૂફ રાખવામાં આવી છે. હવે આગામી સુનાવણી ૧૦ ડિસેમ્બરે જિલ્લા કોર્ટમાં થશે. આજે કોર્ટે નક્કી કરવાનું હતું કે આ કેસ સુનાવણીને લાયક છે કે નહીં. આજે (મંગળવારે) મુસ્લિમ પક્ષે ચર્ચા થવાની હતી જે પૂર્ણ થઈ ન હતી. તેથી કોર્ટે આગામી તારીખ ૧૦ ડિસેમ્બર નક્કી કરી છે. ૩૦ નવેમ્બરે પણ વ્યવસ્થા સમિતિએ પોતાનું વલણ રજૂ કર્યું હતું. વાસ્તવમાં, હિન્દુ પક્ષે દાવો કર્યો છે કે બદાઉનની શમ્સી જામા મસ્જિદ નીલકંઠ મહાદેવ મંદિર છે. આ મામલે ભારે રાજકારણ ચાલી રહ્યું છે. બદાઉનના આ કેસની સુનાવણી માટે વિશેષ ફાસ્ટ ટ્રેક કોર્ટની રચના કરવામાં આવી છે.
એક તરફ હિન્દુ પક્ષનો દાવો છે કે નીલકંઠ મહાદેવ મંદિરને તોડીને મસ્જિદ બનાવવામાં આવી છે. જ્યારે, તેનાથી વિપરિત, મુસ્લિમ પક્ષનું કહેવું છે કે અહીં ક્યારેય મંદિર કે પ્રતિમા હોવાના કોઈ પુરાવા નથી. મુસ્લિમ પક્ષ અનુસાર, જ્યારે સૂફી વિચારક બાદશાહ શમશુદ્દીન અલ્તમશ બદાઉનમાં આવ્યા ત્યારે તેમણે અલ્લાહની પૂજા કરવા માટે અહીં એક મસ્જિદ બનાવી. અહીં ક્યારેય મંદિર કે પ્રતિમા હોવાના કોઈ પુરાવા નથી. આ અંગે કરવામાં આવી રહેલા દાવા ખોટા અને વાસ્તવિકતા વિરુદ્ધ છે. ૩૦ નવેમ્બરના રોજ, સિવિલ જજ (વરિષ્ઠ વિભાગ) અમિત કુમારે, મસ્જિદ વ્યવસ્થા સમિતિના વકીલની દલીલો સાંભળ્યા પછી, કેસની આગામી સુનાવણીની તારીખ ૩ ડિસેમ્બર નક્કી કરી હતી.
એઆઇએમઆઇએમ ચીફ અસદુદ્દીન ઓવૈસીએ પણ બદાઉન વિવાદને લઈને ઠ પર ટ્વીટ કર્યું હતું. તેણે લખ્યું- આવનારી પેઢીઓને ’છૈં’નો અભ્યાસ કરવાને બદલે એએસઆઇ માટે ખોદકામ કરવામાં વ્યસ્ત બનાવવામાં આવી રહી છે. તેમણે કહ્યું હતું કે યુપીના બદાઉનની જામા મસ્જિદને નિશાન બનાવવામાં આવી છે.
આવો જ બીજો વિવાદ સંભલમાં પણ ચાલી રહ્યો છે. અહીં હિન્દુ પક્ષ દ્વારા દાવો કરવામાં આવ્યો છે કે સંભલની જામા મસ્જિદ મંદિરને તોડીને બનાવવામાં આવી હતી. કોર્ટના આદેશ બાદ જ્યારે ટીમ સર્વે કરવા પહોંચી તો ત્યાં હંગામો થયો અને બદમાશોએ પોલીસ પર પથ્થરમારો શરૂ કર્યો. જે બાદ પોલીસે સ્થિતિને કાબૂમાં લેવા માટે ગોળીબાર પણ કર્યો હતો. આ હિંસામાં પાંચ લોકોના મોત થયા હતા
