અહીં પટનામાં મળી રહેલ બિહાર બિઝનેસ કનેક્ટ રોકાણકાર શિખરને સંબોધન કરવું એ સન્માનની વાત છે.
હું બિહાર સરકારને અર્થવ્યવસ્થાના દરેક ક્ષેત્રમાંથી ઘણા પ્રભાવશાળી વ્યક્તિત્વોને એક મંચ ઉપર લાવવા બદલ અભિનંદન આપું છું. આદરણિય મુખ્યમંત્રીશ્રી, આ શિખર માત્ર આપના વ્યક્તિગત ચુંબકત્વનો જ નહીં પરંતુ વેપાર જગતના વિશ્વાસનો પણ પુરાવો છે કે આપ અને આપનું સુશાસન તંત્ર બિહારને ભારતના સૌથી આકર્ષક રોકાણ સ્થળો પૈકીના એકમાં પરિવર્તિત કરી રહ્યા છો.
નીતીશજી, આપની દ્રષ્ટિ અને દૂરંદેશી અજોડ છે! 22 વર્ષ પહેલાં, આપણા દેશના રેલ્વે મંત્રી તરીકે આપે ઓટોમેટેડ સોફ્ટવેરનો ઉપયોગ કરીને ટિકિટ બુકિંગ સિસ્ટમને અમલી બનાવીને અત્યાર સુધીનું સૌથી મોટું પરિવર્તન કર્યું હતું. પહેલા દિવસે, આ સિસ્ટમ મારફત માત્ર 29 ટિકીટ બુક થઇ હતી અને હવે એક જ દિવસમાં 13 લાખ જેટલી ટિકિટ બુક થઈ રહી છે, જેણે તેને વિશ્વનું સૌથી વ્યસ્ત ઓનલાઈન રિઝર્વેશન પ્લેટફોર્મ બનાવ્યું છે!
ખાસ કરીને શાસનમાં, વ્યવસાય કરવાની સરળતા, આરોગ્ય સંભાળની પહોંચ, સામાજિક સુધારણા, કાયદો અને વ્યવસ્થા, સાક્ષરતા અને શિક્ષણ, મહિલાઓ અને વંચિતોનું સશક્તિકરણ ક્ષેત્રમાં આપના વડપણ હેઠળ બિહારનું પરિવર્તન થઈ રહ્યું છેઅને જટિલ ઈન્ફ્રાસ્ટ્રક્ચરના ઝડપી વિકાસ સાથે આજની આ શિખર વિશેષ સુસંગત છે.રાષ્ટ્રના બાકીના ભાગ માટે લાભકારક વૃદ્ધિનું આપની દિર્ઘદ્રષ્ટીએક મોડેલ બની ગયું છે.
બિહાર માટેના આપે સેવેલા સપનાથી અદાણી ગ્રૂપ ખૂબ જ પ્રોત્સાહિત થયું છે તેવું જણાવવાનો મને વિશેષાધિકાર પ્રાપ્ત થયો છે અને આપના નેતૃત્વમાં અમારી શ્રધ્ધાના સ્વીકારનું અમે બિહારમાં સૌથી મોટા ખાનગી રોકાણકાર છીએ એ નમ્ર હકિકતની માન્યતાથી અન્ય વધુ સારું કંઈ હોઈ શકે નહીં
ગત વર્ષે બિહાર બિઝનેસ કનેક્ટમાં મેં આપને વચન આપ્યું હતું કે બિહારમાં અમે શું કરી રહ્યા છીએ તેની અપડેટ્સ સાથે હું આપની સમક્ષ આવતો રહીશ. એ બોલ સાથે હું આપને બિહાર માટે અમારા વર્તમાન અને ભાવિ રોકાણ સંબંધી રોડમેપનો સંક્ષિપ્ત ખ્યાલ આપું છુ.લોજિસ્ટિક્સ, ગેસ વિતરણ અને એગ્રી-લોજિસ્ટિક્સ એ ત્રણ ક્ષેત્રોમાં અમે અગાઉથી જ આશરે રુ. 850 કરોડનું રોકાણ કર્યું છે અને પ્રત્યક્ષ અને પરોક્ષ રોજગારીની લગભગ 25,000 તકોનું પણ સર્જન કર્યું છે.
હવે અમે આ ક્ષેત્રોમાં વધુ રુ.2,300 કરોડનું રોકાણ કરવા આગળ વધી રહ્યા છીએ. આ રોકાણ માત્ર અમારી વેરહાઉસિંગ અને હેન્ડલિંગ ક્ષમતામાં જંગી વધારો કરશે એટલું જ નહી પરંતુ EV, CGD અને CBGના ક્ષેત્રમાં અમારી હાજરીને વિસ્તૃત કરવા સાથે વધારાની પ્રત્યક્ષ અને પરોક્ષ 27,000 સ્થાનિક નોકરીની તકો પણ પેદા કરશે.
અમે બિહારમાં ગતિ શક્તિ રેલ્વે ટર્મિનલ્સ, ICDs (ઈનલેન્ડ કન્ટેનર ડેપો) અને ઔદ્યોગિક વેરહાઉસિંગ પાર્ક જેવા વ્યૂહાત્મક આંતરમાળખાને વિકસાવવા માટે સંભવિતપણે બીજા રું.1,000 કરોડનું રોકાણ કરવા માટે આપની સરકાર સાથેઘનિષ્ઠ રીતેકામ કરી રહ્યા છીએ.
અમે અન્ય સેક્ટર એવા સ્માર્ટ મીટરના ઉત્પાદન માટે રોકાણ કરી રહ્યા છીએ બિહાર પરંપરાગત ઈલેક્ટ્રીક મીટરથી સ્માર્ટ મીટરમાં સ્થળાંતર કરી રહ્યું છે, અમે સિવાન, ગોપાલગંજ, વૈશાલી, સારણ અને સમસ્તીપુર એ પાંચ શહેરોમાં વીજ વપરાશ-નિરીક્ષણને સ્વચાલિત કરવા 28 લાખથી વધુ સ્માર્ટ મીટરના ઉત્પાદન અને ઇન્સ્ટોલેશન માટે રુ 2,100 કરોડનું રોકાણ કરશું અને ટેક્નોલોજીનું આ સેગમેન્ટ ઓછામાં ઓછી 4,000 સ્થાનિક નોકરીઓનું સર્જન કરશે.
હજુ આગળ વાત કરું તો,
અમે બિહારમાં પાંચ મહિના પહેલાં જુલાઈની આખરમાં અન્ય એક આકર્ષક નવા ક્ષેત્રમાં પણ પ્રવેશ કર્યો હતો જ્યાં આપ જાતે પધાર્યા હતા અને બે વર્ષ પહેલાં અમારા ACC અને અંબુજા સિમેન્ટ હસ્તગત કર્યા પછીના અમારા પ્રથમ ગ્રીનફિલ્ડ સિમેન્ટ પ્રકલ્પનું શિલારોપણ કર્યું હતું.
એક સિમેન્ટ ગ્રાઇન્ડીંગ યુનિટનો નવો પ્રોજેક્ટ વારસાલીગંજમાં છે. અને અમે હજુ વધુ પ્રકલ્પ સ્થાપવાના માર્ગ ઉપર છીએ. અમે બહુવિધ તબક્કાઓમાં 10 MMTPA ની સિમેન્ટ ઉત્પાદન ક્ષમતા સ્થાપિત કરવા માટે બિહારમાં રુ. 2,500 કરોડનું રોકાણ કરવાનો ઇરાદો ધરાવીએ છીએ અને આ પ્રકલ્પ બિહારના લોકો માટે પ્રત્યક્ષ અને પરોક્ષ ઓછામાં ઓછી 9,000 નોકરીઓનું સર્જન કરવાની ક્ષમતા ધરાવે છે.
અમે બિહારના ઉર્જા ક્ષેત્રમાં રોકાણની શક્યતાઓ પણ શોધી રહ્યા છીએ. અલ્ટ્રા-સુપરક્રિટિકલ થર્મલ પાવર પ્લાન્ટ સ્થાપવા માટે આશરે રુ.20,000 કરોડનું રોકાણ કરવાની અમારી યોજના છે.
અમે અપેક્ષા રાખીએ છીએ કે આ વિરાટ પ્રકલ્પ તેના આરંભિક તબક્કામાં ઓછામાં ઓછી 12,000 નોકરીઓની તકો ખોલશે અને કાર્યરત થવાના તબક્કા દરમિયાન લગભગ 1,500 કુશળ નોકરીઓ ઉભી કરવા તરફ દોરી જશે.
આદરણિય મુખ્યમંત્રીજી, બિહારમાં વેપાર-વણજની ક્ષિતિજમાં સુધારો કરવા ઉપર આપનું સતત મંથન અને અત્યંત કર્મઠ અને ઉત્સાહી અધિકારીઓની આપની ટીમ તરફથી હંમેશા ઉપલબ્ધ થઇ રહેલો અવિશ્વસનીય સહકાર આવનારા વર્ષોમાં રોકાણમાં તેજીનો માર્ગ મોકળો કરી રહ્યા છે.
આપના સતત સમર્થન, માર્ગદર્શન અને પ્રોત્સાહન સાથે બિહારમાં, – બિહાર સાથે અને બિહાર માટે વધુ કામ કરવાની તક આપવા માટે અદાણી ગ્રુપ વતી હું આપશ્રીનો આભાર માનું છું.
