New Delhi,તા.21
NASA દ્વારા તાજેતરમાં ચેતવણી આપવામાં આવી છે કે એક Asteroid એટલે કે લઘુગ્રહ, સરળ ભાષામાં અવકાશમાં રહેલો પથ્થર પૃથ્વી તરફ ખૂબ ઝડપથી આવી રહ્યો છે. આ પથ્થરની સાઇઝ તાજમહલથી બમણી છે અને તે 77,282 કિમીની ઝડપે આગળ વધી રહ્યો છે. આ પથ્થર 540 ફૂટનો છે. આ Asteroid એપોલો ગ્રૂપનો છે, જે નિઅર અર્થ ઑબ્જેક્ટ્સ કેટેગરીમાં આવે છે. ભવિષ્યમાં આ પૃથ્વી માટે સંભવિત સમસ્યા બની શકે છે. તેને નામ આપવામાં આવ્યું છે Asteroid2014TN17.
Asteroid2014TN17 પૃથ્વીના સૌથી નજીક 26 માર્ચે આવશે. એ દિવસે તે પૃથ્વીથી 50 લાખ કિલોમીટર દૂર હશે. પૃથ્વી અને ચંદ્ર વચ્ચેના અંતરના તુલનામાં આ Asteroid પૃથ્વીથી 13 ગણું વધુ અંતરે રહેશે. જો કે, આ Asteroid ગમે તે દિશામાં જતી રહી શકે છે, જેના કારણે તે ઝડપથી પૃથ્વી તરફ આવી શકે છે. NASA દ્વારા તેની પર સતત નજર રાખવામાં આવી રહી છે.
જો 540 ફૂટનો Asteroid પૃથ્વી સાથે અથડાશે, તો 100થી વધુ ન્યુક્લિયર બોમ્બ જેટલી એનર્જી રિલીઝ થશે. આ પૃથ્વી પર એ વિસ્તરાને સંપૂર્ણપણે નષ્ટ કરી શકે છે. આગના તોફાન સાથે વર્ષો સુધી હવામાનમાં પરિવર્તન આવી શકે છે. 1908માં થયેલી તુન્ગુસ્કા ઘટનામાં સાઇબિરિયાના 2,000 ચોરસ કિલોમીટર વિસ્તારના જંગલ સમતલ થઈ ગયા હતા. એ Asteroidના કદની તુલનામાં આ ઘર્ષણ ગંભીર અસર પાડી શકે છે.
NASAનું સેન્ટર ફોર નિઅર અર્થ ઓબ્જેક્ટ સ્ટડીઝ અને આંતરરાષ્ટ્રીય અવકાશ એજન્સી એવી તમામ Asteroids પર નજર રાખે છે. તે માટે ટેલિસ્કોપ્સ, રડાર સિસ્ટમ અને બીજા અવકાશ સંબંધિત સાધનોનો ઉપયોગ કરવામાં આવે છે. જો કે, કેટલીકવાર આ Asteroids ત્યારે સ્પષ્ટ જોવા મળે છે જ્યાં સુધી તે પૃથ્વીની નજીક ન આવે.
