New Delhi,તા.06
આઈપીએલ, મેગા હરાજીમાં ઇતિહાસની સૌથી મોટી કિંમત 27 કરોડ રૂપિયાની બીડ મેળવનાર રિષભ પંતે આ આઈપીએલની સિઝનમાં અત્યાર સુધી રમાયેલી દસ ઇનિંગ્સમાં માત્ર 128 રન બનાવીને બધાને નિરાશ કર્યા છે. તેના પર્ફોમન્સમાં પાંચ સિંગલ ડિજિટના સ્કોર, એક ડક અને અડધી સદીનો સમાવેશ થાય છે.
વર્ષ 2016માં લીગમાં ડેબ્યૂ કર્યા બાદ આઈપીએલ-2025 આ ટૂર્નામેન્ટમાં પંતની અત્યાર સુધીની સૌથી ખરાબ સિઝન રહી છે. પોતાની ડેબ્યૂ સીઝનમાં પંતે 10 મેચમાં 24.75 એવરેજ સાથે 198 રન બનાવ્યા હતા.
ચાલુ સિઝનમાં પંતની એવરેજ 12.80ની છે અને તેનો સ્ટ્રાઇક રેટ પણ ટુર્નામેન્ટમાં પહેલીવાર 100થી નીચે જતો રહ્યો છે. જો પંતની કિંમત તેના રનથી તોલે છે, તો તેના દરેક રનની કિંમત 21.09375 રૂપિયા છે.
ધર્મશાલામાં રમાયેલી પંજાબ કિંગ્સ સામેની મેચમાં પંત માત્ર 18 રન (17 બોલ)ના સ્કોર પર આઉટ થયો. પાછલી મેચથી વિપરીત આ વખતે પંત 4 નંબર પર આવ્યો હતો, પરંતુ તેનું નસીબ બદલાયું નહીં. રન ચેઝની આઠમી ઓવરમાં તેણે અઝમતુલ્લાહ ઓમરઝાઈના બોલ પર મોટો શોટ લગાવવાના પ્રયાસમાં આઉટ થયો હતો હતું..
આઉટ થયા બાદ પંતે આકાશ તરફ જોયું અને કંઇક બબડ્યો, તેના ચહેરા પર નિરાશા સ્પષ્ટ દેખાતી હતી. બીજી તરફ ધર્મશાળા સ્ટેડિયમમાં હાજર એલએસજીના માલિક સંજય ગોએન્કાનો ચહેરો એકદમ નિરાશ જોવા મળ્યો હતો.
પૂર્વ ક્રિકેટર પણ પંતના ખરાબ ફોર્મથી નારાજ છે. વિરેન્દ્ર સેહવાને તેને એમએસ ધોની સાથે વાત કરવાની સલાહ આપી છે. તેણે કહ્યું, ‘તેની પાસે મોબાઇલ છે, તેણે ફક્ત ફોન ઉપાડવો પડશે અને કોઈને ફોન કરવો પડશે.
જો તમને લાગતું હોય કે તમે નકારાત્મક વિચારો છો, તો એવા ઘણા ક્રિકેટરો છે જેમની સાથે તમે ચર્ચા કરી શકો છો. ધોની તેનો આદર્શ છે, તેથી પંતે તેને બોલાવવો જોઈએ. આનાથી તેમનું મન હળવું થશે.
પંજાબ કિંગ્સ સામે વધુ એક ફ્લોપ રહ્યાં બાદ ચાહકોની ધીરજ પણ ખુટતી જોવા મળી હતી અને ઘણાં લોકોએ સોશિયલ મીડિયા પર પંતને સુપર જાયન્ટ્સમાંથી દૂર કરવાની માંગણી કરી હતી.
કેટલાક યુઝર્સે ફ્રેન્ચાઈઝીના માલિકને સલાહ આપી હતી કે, પંતની જગ્યાએ દિલ્હીના જ યુવા વર્ગમાંથી વધુ સારો અયુબ બડોનીને કેપ્ટન બનાવે. બડોનીએ પંજાબ સામે 74 રનની શાનદાર ઈનિંગ રમી હતી. તેણે નેટ રનરેટને વધુ ખરાબ ન થવા દઈને ટીમની પ્લેઓફની આશાને પણ જીવંત રાખી હતી.
