Tata Harrier EV 3 એક વખત ચાર્જ કરતાં જ મળશે 500 કિમીની રેન્જ

ટાટા 3 જૂને હેરિયરનું ઇલેક્ટ્રિક વર્ઝન લોન્ચ કરશે. કંપનીએ ઇન્ડિયા મોબિલિટી ગ્લોબલ એક્સ્પો 2025માં હેરિયર EVને પ્રદર્શિત કરી હતી. હેરિયર EV લગભગ 500 કિમીની રેન્જ મેળવી શકે છે. તેમાં ક્વાડ-વ્હીલ-ડ્રાઇવ (QWD) ડ્યુઅલ-મોટર સેટઅપ અને પ્રીમિયમ સુવિધાઓ મળશે. હેરિયર EV મહિન્દ્રા XEV 9e અને ક્રેટ EV સાથે સ્પર્ધા કરશે.

ડિઝાઇન અને સ્ટાઇલ ટાટા હેરિયર EVનો દેખાવ તેના ડીઝલ વર્ઝન જેવો જ છે. હેરિયર EV માં બંધ ગ્રિલ (શિલ્ડેડ ફ્રન્ટ ગ્રિલ), EV બેજિંગ અને સિલ્વર બોડી ક્લેડીંગ, આકર્ષક લાઇટિંગ અને કનેક્ટેડ લાઇટ બાર છે. તેમાં નવા “ટર્બાઇન-લીડ” ટાઇલ એલોય વ્હીલ્સ (૧૭-૧૯ ઇંચ સુધીના) મળે છે.

તે ક્વોડ-વ્હીલ-ડ્રાઇવ (AWD) કન્ફિગરેશનમાં ઉપલબ્ધ હશે જેમાં ડ્યુઅલ-મોટર સેટઅપ હશે જે 500 Nm પીક ટોર્ક ઉત્પન્ન કરે છે. સિંગલ-મોટર વેરિઅન્ટ પણ ઉપલબ્ધ થશે, જોકે બેટરીની ચોક્કસ વિગતો હજુ જાહેર કરવામાં આવી નથી. ટાટા હેરિયર EV ની કિંમત 25 લાખ રૂપિયાથી 30 લાખ રૂપિયા (એક્સ-શોરૂમ) ની વચ્ચે હોઈ શકે છે.

અત્યાર સુધીમાં ટાટાની 5 ઇલેક્ટ્રિક કાર બજારમાં લોન્ચ થઈ છે. Tata Tiago EV ની પ્રારંભિક કિંમત 7.99 લાખ રૂપિયા છે. ટાટા પંચ EV, ટાટા ટિગોર EV, ટાટા નેક્સન EV અને ટાટા કર્વ EV પણ પહેલાથી જ લોન્ચ થઈ ચૂકી છે.

ટાટા ટિયાગો EV 7.99 લાખ રૂપિયામાં ઉપલબ્ધ

ક્રેટા EV જાન્યુઆરીમાં લોન્ચ કરવામાં આવી હતી હ્યુન્ડાઇ મોટર ઇન્ડિયાએ આ વર્ષે 17 જાન્યુઆરીએ ઇન્ડિયા મોબિલિટી ગ્લોબલ એક્સ્પો 2025માં તેની મીડ સાઇઝ ઇલેક્ટ્રિક SUV ક્રેટા EV લોન્ચ કરી હતી. તેની પ્રારંભિક કિંમત 17.99 લાખ રૂપિયા (એક્સ-શોરૂમ) રાખવામાં આવી છે. ટોપ વેરિઅન્ટમાં તેની કિંમત 23.99 લાખ રૂપિયા સુધી જાય છે.