Surat તા.28
સાયબલ ક્રાઈમનો ભોગ બનેલ 1067 પીડિતોને 1.26 કરોડ ફ્રીઝ કરાવેલ રૂપિયા પરત અપાવવા માટે અરજી/ રીકવેસ્ટ સબમીટ કરાવવાની કાર્યવાહીમાં સુરત શહેર સાયબર ક્રાઈમ બ્રાંચે મહત્વની કામગીરી કરી છે.
પોલીસ કમિશનરવાબાંગ જમીર તથા અ.પો.કમિશનર ક્રાઈમ ડો.કરનરાજ વાઘેલાના માર્ગદર્શન અને સુચના પ્રમાણે નાયબ પોલીસ કમિશનરસાયબર ક્રાઈમ દ્વારા સુરત શહેરના તમામ ઝોનના ડીસીપી સાથે સંકલન કરવામાં આવેલ અને એમઆરએમ પોર્ટલ વિશે જાણકારી આપવામાં આવેલ.
સુરત શહેરના તમામ થાણા અધિકારીઓ સાથે મીટીંગ કરવામાં આવેલ જેમાં તેઓને એમઆરએમ પોર્ટલ બાબતની તાલીમ આપવામાં આવેલ. સુરત શહેરના તમામ પોલીસ સ્ટે.માં સાયબર ક્રાઈમનું કામ કરતા કર્મચારીઓને એમઆરએમ પોર્ટલ બાબતે તાલીમ આપવામાં આવેલ અને તેઓને ઉદભવતા પ્રશ્ર્નોનું નિરાકરણ લાવવામાં આવેલ. આ તમામ મીટીંગ લીધા પછી 24 કલાકમાં પોર્ટલ પર રીકવેસ્ટ મેળવવા ડ્રાઈવ રાખવામાં આવી હતી.
આ કોર્ડીનેશન અને સટીક માર્ગદર્શનના પરીણામે સુરત શહેર પોલીસ દ્વારા 24 કલાકના ટુંકા સમયમાં કુલ 1067 જુદા જુદા ફરીયાદીઓનો વ્યકિતગત સંપર્ક કરી તેઓને માર્ગદર્શન આપી એમઆરએમ પોર્ટલ પર ઓનલાઈન મની રીસ્ટોરેશન રીકવેસ્ટ માટેની કુલ 1915 રીકવેસ્ટ મેળવવામાં મોટી સફળતા મળી છે. જેના પરિણામ સ્વરૂપે 1.26 કરોડ રૂપિયા તેઓને પરત અપાવતા અરજદારોમાં ખુશી જોવા મળી હતી.
MRM મોડયુલ પર રિકવેસ્ટ કેવી રીતે સબમિટ કરવી ?
સુરત: જે પીડિતોની ફરિયાદ નેશનલ સાયબર ક્રાઈમ રીપોટીંગ પોર્ટલ (NC RP) www.cybercrime.gov.in પર નોંધાયેલ છે અને જેમના બેંક ખાતામાં નાણા ફ્રીઝ થયેલ છે, તેઓ MRM મોડયુલ પર રિક્વેસ્ટ સબમિટ કરી શકશે.
રિક્વેસ્ટ સમિટ કરવા માટે સાયબર ફ્રોડ પીડિતે પોતાનો NCRP એકનોલેજમેન્ટ નંબર, રજિસ્ટર્ડ મોબાઈલ નંબર, બેંક ખાતાની વિગત તથા ફ્રીઝ થયેલ રકમની વિગત તૈયાર રાખવી.
પીડિતે ઉપરોકત પોર્ટલ પર લોગીન કરી પોતાની ફરિયાદનું સ્ટેટરા ચેક કરી, જ્યાં નાણા ફીઝ દર્શાવેલ હોય ત્યાં આપેલ Mo n ey Restoration Module (MRM) લિંક પર ક્લિક કરી ઓનલાઈન રિક્વેસ્ટ ફોર્મ ભરવું. અથવા MRM પોર્ટલ વેબસાઇટ https://mrm-ncrp.mha.gov.in પર રીકવેસ્ટ સબમીટ કરી શકાશે.
MRM પોર્ટલ નવું હોવાથી જો કોઈ પીડિતને ફોર્મ ભરવામાં મુશ્કેલી જણાય, તો તેઓએ પોતાના વિસ્તારના પોલીસ સ્ટેશનના સાયબર ક્રાઈમ કર્મચારીનો સીધો સંપર્ક કરવો, જેઓ રૂબરૂ હાજર રહી રિક્વેસ્ટ.સમિટ કરવામાં સંપૂર્ણ મદદ કરશે.
