આ ફિલ્મમાં કિયારા નાદીયાના પાત્રમાં દેખાશે. નવા પોસ્ટરે ફેન્સને ખૂબ જ ઈમ્પ્રેસ કર્યા છે
Mumbai, તા.૧
સાઉથના સુપરસ્ટાર યશની મચ અવેઈટેડ ફિલ્મ ‘ટોક્સિક’ની ત્રણ-ત્રણ વાર રિલીઝ ડેટ બદલ્યા બાદ આખરે રિલીઝ થવા માટે તૈયાર છે. આ ફિલ્મનું એક ગીત પણ રિલીઝ કરી દેવામાં આવ્યું છે. જેમાં યશ અને કિયારા રોમાન્સ કરી રહ્યા છે. હોટ સીનને લઈને ગીતની ચર્ચા થઈ રહી છે ત્યારે કિયારાએ આ ફિલ્મમાં પોતાના રોલને લઈ એક મોટી અને મહત્ત્વની વાત કહી છે. પોતાના પાત્રને લઈને દિલ ખોલીને વાત કરતા એક્ટ્રેસે કહ્યું હતું કે, હું એવા રોલની શોધમાં હતી જેમાં કંઈક અલગ હોય. ખરેખર તો આ ફિલ્મને લઈને કિયારાએ જે મહેનત કરી છે એની પણ ફેન્સ પ્રશંસા કરી રહ્યા છે. કિયારા અડવાણી પોતાનો બર્થ ડે સેલિબ્રેટ કરી રહી છે. ટૂંક સમયમાં તે પોતાની નવી ફિલ્મ ‘ટોક્સિક’માં જોવા મળશે. ફિલ્મમાં પોતાના પાત્રને અને પર્ફોમન્સને લઈને વાત કરી છે. ફેન્સ પણ તેના આ બે પાસાના ખૂબ વખાણ કરી રહ્યા છે. ફેન્સ એવું કહી રહ્યા છે કે, ફિલ્મમાં માત્ર યશને જ લીડ રોલ તરીકે જોવામાં આવી રહ્યો છે. એક્ટ્રેસ પર ખાસ કોઈ ફોક્સ નથી. પણ કિયારાએ જે પોસ્ટર શૅર કર્યું છે એને લઈ ફરી ફેન્સ ચર્ચા કરી રહ્યા છે. આ સાથે કિયારાએ મહિલાને મળી રહેલા પાત્ર અંગે પણ દિલ ખોલીને વાત કરી છે. માત્ર મહિલાઓને લઈને જ નહીં પોતાના પાત્રને લઈને પણ પોતાની વાત કહી છે. આ ફિલ્મમાં કિયારા નાદીયાના પાત્રમાં દેખાશે. નવા પોસ્ટરે ફેન્સને ખૂબ જ ઈમ્પ્રેસ કર્યા છે. આ માહોલ વચ્ચે કિયારાએ મસ્ત રીતે પોતાનો બર્થ ડે મનાવ્યો હતો અને પ્રોડક્શન હાઉસે એક વિડિયો પણ શૅર કર્યો હતો. કેપ્શન લખ્યું હતું કે, હમારી નાદીયા કો બર્થ ડે કી શુભકામના. આ પોસ્ટરમાં કિયારા રેડ કલરના ડ્રેસમાં જોવા મળી રહી છે. વધુ એકવાર કિયારાનો એક ગ્લેમરસ લૂક સામે આવ્યો છે. એક ખાસ મુલાકાતમાં વાત કરતા કિયારાએ કહ્યું હતું કે, ગીતુ મોહનદાસે મને આ ફિલ્મની આખી સ્ટોરી કહી હતી. જ્યારે પહેલીવાર ફિલ્મની સ્ટોરી સામે આવી એ સમયે હું ખૂબ જ શોક થઈ ગઈ. એક વ્યક્તિ આવું પાત્ર કેવી રીતે લખી શકે? નાદીયાનો રોલ જુદા જુદા ઈમોશન્સ સાથે જોડાયેલો છે. મજબૂરી, તાકાત, નબળાઈ, અફેક્શન અને ઈમોશનલ એમા બધુય આવી જાય છે. મને આ પાત્રમાં બધુય મળ્યું છે. જે હું ઈચ્છતી હતી. લાંબા સમય સુધી હું આ પાત્રને પણ શોધી રહી હતી, જે મને આ ફિલ્મમાં મળ્યો. હવે હું એ લેવલ પર છું કે, આ પ્રકારના રોલ હું સરળતાથી પ્લે કરી શકું છું. જે ખરેખર મુશ્કેલ હોય છે. જ્યારે મને કોઈ પણ રોલ મળે છે તો સૌથી પહેલા હું એના વિચાર, સંબંધો અને જીવન કેવું રહેશે એ અંગે વિચાર કરૂ છું. પછી એ વાતને પ્રાયોરિટી આપું છું કે, આનો હેતું શું છે? એક કલાકાર માટે શુટિંગ પહેલા પણ એક મહેનત હોય છે. એની મહેનત અહીંયાથી જ શરૂ થઈ જાય છે. નાદીયાના પાત્ર પરથી મને એ વાતનો અહેસાસ થયો કે, ખરેખર મને એક્ટિંગ પ્રત્યે આટલો પ્રેમ છે? દરેક પાત્ર કલાકારને અંદરથી એક શીખવાની અને સમજવાની મોટી તક આપી જાય છે. સમગ્ર ફિલ્મમાં ક્રાઈમ, થ્રીલ, રિલેશનશીપ અને નેટવર્ક પ્રાયોરિટી છે. આ ફિલ્મ ૨૬ ઓગસ્ટના રોજ થિયેટર્સમાં આવી રહી છે. આ ફિલ્મને લઈ ફેન્સ રાહ જોઈને બેઠા છે. આ ફિલ્મમાં કિયારાનો એક અલગ અંદાજ જોવા મળી રહ્યો છે. ખાસ કરીને યશ સાથેની કેમેસ્ટ્રીને લઈને તે રિલીઝ પહેલા જ ચર્ચામાં છે. આ વખતે તેના કોસ્ચ્યુમ અને એક્ટિંગ કરતા એક્સપ્રેસન પર ફેન્સ વધારે ફોક્સ કરી રહ્યા છે. પોતાના બર્થ ડે પર તેણે રેડ કલરના ડ્રેસમાં થિયેટર સીટ પર એકથી એક બેસ્ટ પોઝ આપીને ફોટો ક્લિક કરાવ્યા હતા.
