Rajkot,તા.26
ગુજરાતમાં મેઘરાજા ફરી એકવાર ધમાકેદાર એન્ટ્રી કરવા તૈયાર છે! હવામાન વિભાગે આગામી પાંચ દિવસ એટલે કે 26 થી 31 જુલાઈ, દરમિયાન રાજ્યના વિવિધ ભાગોમાં ભારેથી અતિભારે વરસાદની આગાહી કરી છે, જ્યારે કેટલાક વિસ્તારોમાં હળવાથી મધ્યમ વરસાદની સંભાવના વ્યક્ત કરવામાં આવી છે.
ખાસ કરીને દક્ષિણ ગુજરાત, મધ્ય ગુજરાત અને સૌરાષ્ટ્રના કેટલાક વિસ્તારોમાં ધોધમાર વરસાદ પડી શકે છે.આજે 26 જુલાઈથી 31 જુલાઈ સુધી રાજ્યના કયા કયા વિસ્તારોમાં વરસાદ વરસશે.તે અંગે હવામાન વિભાગના જણાવ્યા પ્રમાણે, આજે 26 જુલાઈના રોજ અમરેલી, ભાવનગર, દાહોદ, પંચમહાલ, છોટા ઉદેપુર, વડોદરા, ભરૂચ, નર્મદા, સુરત, તાપી, ડાંગ,નવસારી, વલસાડ, દમણ અને દાદરા અને નગર હવેલીમાં ભારે વરસાદની ચેતવણી છે.
જ્યારે અમદાવાદ, ગાંધીનગર, મહેસાણા, બનાસકાંઠા, રાજકોટ, જૂનાગઢ, જામનગર, સુરેન્દ્રનગર, કચ્છ સહિત અન્ય જિલ્લાઓમાં હળવાથી મધ્યમ વરસાદની સંભાવના વ્યક્ત કરવામાં આવી છે.
હવામાન વિભાગના જણાવ્યા પ્રમાણે, 27 જુલાઈના રોજ દાહોદ, છોટા ઉદેપુર, નર્મદા જિલ્લામાં ભારેથી અતિભારે વરસાદની ચેતવણી છે. જ્યારે રાજકોટ, અમરેલી, ભાવનગર, બોટાદ, સુરેન્દ્રનગર, અમદાવાદ, ગાંધીનગર, મહેસાણા, પાટણ, બનાસકાંઠા, સાબરકાંઠા, અરવલ્લી, મહીસાગર, ખેડા, પંચમહાલ, વડોદરા, આણંદ, ભરૂચ, સુરત, તાપી, ડાંગ, નવસારી અને વલસાડ જિલ્લામાં ભારે વરસાદની ચેતવણી છે. આ ઉપરાંત કચ્છ, મોરબી, જામનગર સહિત રાજ્યના અન્ય જિલ્લાઓમાં હળવાથી મધ્યમ વરસાદની સંભાવના વ્યક્ત કરવામાં આવી છે.
હવામાન વિભાગના જણાવ્યા પ્રમાણે, 28 જુલાઈના રોજ સાબરકાંઠા, અરવલ્લી, મહીસાગર જિલ્લામાં ભારેથી અતિભારે વરસાદની ચેતવણી છે. આ ઉપરાંત બનાસકાંઠા, મહેસાણા, ગાંધીનગર, અમદાવાદ, ખેડા, આણંદ, વડોદરા, પંચમહાલ, દાહોદ, છોટા ઉદેપુર, નર્મદા, ભરૂચ, સુરત, તાપી, ડાંગ, નવસારી, વલસાડ, મોરબી, સુરેન્દ્રનગર, રાજકોટ, બોટાદ જિલ્લામાં ભારે વરસાદની વરસાદની ચેતવણી છે. જ્યારે કચ્છ, જામનગર, જૂનાગઢ સહિત રાજ્યના અન્ય જિલ્લાઓમાં હળવાથી મધ્યમ વરસાદની સંભાવના વ્યક્ત કરવામાં આવી છે.
હવામાન વિભાગના જણાવ્યા પ્રમાણે, 29 જુલાઈના રોજ સાબરકાંઠા, અરવલ્લી, મહીસાગર, દાહોદ, નવસારી, વલસાડ, અમરેલી, ભાવનગર જિલ્લામાં ભારે વરસાદની ચેતવણી છે. જ્યારે અમદાવાદ, ગાંધીનગર, વડોદરા, સુરત, તાપી, ડાંગ, કચ્છ, રાજકોટ, મહેસાણા, બનાસકાંઠા, જામનગર, જૂનાગઢ સહિત રાજ્યના અન્ય જિલ્લાઓમાં હળવાથી મધ્યમ વરસાદની સંભાવના વ્યક્ત કરવામાં આવી છે.
30 અને 31 જુલાઈ 2025ના રોજ રાજકોટ, જામનગર સહિત સમગ્ર સૌરાષ્ટ્ર, કચ્છ, અમદાવાદ, ગાંધીનગર, મહેસાણા, બનાસકાંઠા સહિત સમગ્ર ઉત્તર ગુજરાત, આણંદ, ખેડા, વડોદરા સહિત સમગ્ર મધ્ય ગુજરાત, સુરત, નવસારી અને વલસાડ સહિત સમગ્ર દક્ષિણ ગુજરાતમાં અનેક સ્થળોએ ગાજવીજ સાથે હળવાથી મધ્યમ વરસાદની સંભાવના વ્યક્ત કરવામાં આવી છે.
