(મિલન જોશી દ્વારા)
Keshod તા.૧ઃ
Keshodમાં એક યુવતીને તાંત્રિક વિધિના નામે અંધશ્રદ્ધા અને લોભની જાળમાં ફસાવી આચરવામાં આવેલ દુષ્કર્મ કેસમાં કેશોદ કોર્ટ એ મહત્વનો ચુકાદો આપતા યુવતી પર અત્યાચાર ગુજારનાર ભુવાને આજીવન કેદની સજા ફટકારી છે.
કેસની વિગતો મુજબ, કેશોદ તાલુકામાં સને ૨૦૨૩ માં ૧૦ ડિસેમ્બરના રોજ કેટરિંગ સર્વિસમાં કામ કરતી એક યુવતીને આરોપી એ તાંત્રિક વિધિ દ્વારા પૈસાનો વરસાદ થવાની અને અઢળક સંપત્તિ મેળવવાની ખોટી લાલચ આપવામાં આવી હતી. અને લાલચમાં આવી ગયેલી યુવતી અંધશ્રદ્ધા અને લોભની જાળમાં ફસાઈ હતી ત્યારે આરોપીઓએ પૂર્વ આયોજિત યોજના મુજબ કેશોદ બસ સ્ટેશને બોલાવી હતી. અને ત્યાંથી યુવતીને પ્રથમ ટીનમસ ગામની વાડીએ લઈ ગયા બાદ, મુખ્ય આરોપી સાગર ભુવાજીએ તાંત્રિક વિધિ કરવાના બહાને યુવતી સાથે અડપલાં કરી છેડતી કરી હતી. ત્યારબાદ આરોપીઓ તેણીને મેસવાણ ગામની સીમમાં આવેલી બીજી વાડીએ લઈ ગયા હતા. ત્યાં એક બંધ રૂમમાં ખાટલા પર અગરબત્તી અને ધૂપ પ્રગટાવી વિધિના બહાને મુખ્ય આરોપીએ યુવતીની મરજી વિરુદ્ધ જબરદસ્તીથી દુષ્કર્મ આચર્યું હતું. અમે યુવતીને જો કોઈને જાણ કરશે તો જાનથી મારી નાખવાની ધમકી આપી જાતિ પ્રત્યે અપમાનિત કરી હડધૂત કરવામાં આવી હતી. આ ઘટના અંગે હિંમત દાખવી ભોગ બનનાર યુવતીએ કેશોદ પોલીસ મથકે ફરિયાદ નોંધાવતા પોલીસે આરોપીઓ સામે દુષ્કર્મ, એટ્રોસિટી અને ધમકી હેઠળ ગુનો નોંધાવ્યો હતો
દરમિયાન આ કેસ કેશોદની સેશન્સ કોર્ટમાં ચાલી જતા, સરકાર પક્ષ દ્વારા કરાયેલ ધારદાર દલીલો, મેડિકલ પુરાવાઓ તથા પીડિતાની જુબાની, તમામ દસ્તાવેજો અને સાક્ષીઓની ઝીણવટભરી ચકાસણી બાદ અદાલતે મુખ્ય આરોપી ભીખુભાઈ ઉર્ફે સાગર ભુવાજીને ભારતીય દંડ સંહિતા ()ની કલમ ૩૭૬ હેઠળ કસૂરવાર ઠેરવી આજીવન કેદની સખત કેદ અને રૂ. ૫૦,૦૦૦નો રોકડ દંડ ફટકારતો ચુકાદો સંભળાવ્યો છે. જ્યારે આ કેસના અન્ય ૭ આરોપીઓને શંકાનો લાભ આપી, નિર્દોષ જાહેર કરી મુક્ત કરવાનો આદેશ કર્યો છે.
