(રવિ મોટવાણી દ્વારા)
Morbi તા.૩૧
હળવદ મોરબી હાઈવે પર બાઈક લઈને યુવાન ઓફીસના કામે જતો હતો ત્યારે બોલેરો કારના ચાલકે બાઈકને હડફેટે લીધું હતું અકસ્માતમાં ગંભીર ઈજા પહોંચતા યુવાનનું મોત થયું હતું મોરબી તાલુકા પોલીસે ફરિયાદ નોંધી તપાસ ચલાવી છે
Morbi ૨ ઉમિયાનગર સોસાયટીમાં રહેતા કાંતિલાલ હરજીવનભાઈ કણસાગરાએ બોલેરો જીજે ૧૩ એક્સ ૦૭૪૦ ના ચાલક વિરુદ્ધ ફરિયાદ નોંધાવી છે કે ફરિયાદીના નાના ભાઈ જયંતીભાઈનો દીકરો બટુક લખધીરપુર રોડ પર આવેલ ઓફિસમાં કામ કરે છે અને ફેકટરીમાં ફોલ્ટ આવે તો તેને વિઝીટ કરવાની રહેતી હોય છે જેથી તા. ૨૯ ના રોજ બપોરના સમયે ફરિયાદીનો ભત્રીજો બટુક બાઈક જીજે ૦૩ એકયું ૨૬૬૮ લઈને ઉંચી માંડલ ગામથી ઘૂટું વચ્ચે આવેલ રોડ પરથી જતો હતો ત્યારે બોલેરો ચાલકે પુરઝડપે ચલાવી બાઈકને હડફેટે લઈને અકસ્માત કર્યો હતો જે અકસ્માતમાં બટુકને માથામાં ગંભીર ઈજા પહોંચતા મોત થયું હતું મોરબી તાલુકા પોલીસે બોલેરો ચાલક વિરુદ્ધ અકસ્માતની ફરિયાદ નોંધી કાયદેસર કાર્યવાહી હાથ ધરી છે
