Gandhinagar, તા.21
રાજકોટ સહિત સૌરાષ્ટ્ર-કચ્છમાં આજે સતત બીજા દિવસે સવારનું તાપમાન 3 થી 4 ડિગ્રી સુધી ગગડતા આજે પણ લોકોએ ઠંડીનો ચમકારો અનુભવ્યો હતો. સામાન્ય રીતે દિવાળી પહેલા ઠંડીનો ચમકારો શરૂ થાય છે. પરંતુ ચાલુ વર્ષે હવે ઉતર-પૂર્વનાં પવનો શરૂ થતા ઠંડીની શરૂઆત થોડી મોડી થઇ છે.
દરમ્યાન આજરોજ રાજયના મોટા ભાગના સ્થળોએ તાપમાન નીચુ ઉતર્યુ હતું. સૌથી વધુ ઠંડી 11.4 ડિગ્રી સાથે અમરેલી અને 11.8 ડિગ્રી સાથે નલિયામાં નોંધાઇ હતી. તો રાજકોટમાં પણ ચાલુ સિઝનનો 13.2 ડિગ્રી સાથે સૌથી ઠંડો દિવસ રહ્યો હતો.
જયારે અમદાવાદમાં 16, વડોદરામાં 13.4, ભુજમાં 17.3, ભાવનગરમાં 16.8, દમણમાં 15.2, ડિસામાં 16, દિવમાં 15.8, દ્વારકામાં 19.1, ગાંધીનગરમાં 12, કંડલામાં 17.2 તથા ઓખામાં 21.4, પોરબંદરમાં 14, સુરતમાં 16.6, સુરેન્દ્રનગરમાં 16.4 અને વેરાવળમાં 18.4 ડિગ્રી લઘુતમ તાપમાન નોંધાયુ હતું.
દરમ્યાન સૌરાષ્ટ્રમાંથી મળતા અહેવાલો મુજબ જયારે અમરેલી સહિત સમગ્ર જિલ્લામાં આજથી ગુલાબી ઠંડીનો અહેસાસ શરૂ થતાં હવે શિયાળાની ધીમે ધીમે જમાવટ થવાના સ્પષ્ટ એંધાણ વર્તાઈ રહ્યા છે.
નવેમ્બર મહિનાના અંતિમ તબક્કામાં પ્રવેશવાની સાથે જ હવામાનમાં પલટો જોવા મળી રહ્યો છે. હવામાન વિભાગની આગાહી મુજબ આગામી દિવસોમાં ગુજરાત સહિત સૌરાષ્ટ્ર અને કચ્છમાં ઠંડીનું પ્રમાણ વધવાની સંભાવના છે. ખાસ કરીને લઘુત્તમ તાપમાનમાં 2 થી 3 ડિગ્રીનો ઘટાડો નોંધાઈ શકે છે, જેના પગલે વહેલી સવારે અને મોડી રાત્રે ઠંડીનો ચમકારો વધુ અનુભવાશે.
અમરેલીમાં ચાલુ વર્ષે અત્યાર સુધી લઘુત્તમ તાપમાન 20 થી 22 ડિગ્રીની આસપાસ રહેતા લોકોને શિયાળાની ખાસ ઠંડીનો અનુભવ થયો ન હોતો. જોકે, હવે નવેમ્બર મહિનાના અંતિમ દિવસોમાં તાપમાનનો પારો ધીમે ધીમે ગગડવાની શક્યતા વચ્ચે ઠંડીનો અહેસાસ વધશે.
હવામાન વિભાગના જણાવ્યા અનુસાર આગામી દિવસોમાં ગુજરાત, સૌરાષ્ટ્ર અને કચ્છમાં હવામાન મુખ્યત્વે સૂકું રહેશે. ઠંડી અને ગરમીના મિશ્ર વાતાવરણ વચ્ચે તાપમાનમાં સામાન્ય ઉતાર-ચઢાવ જોવા મળશે.
દરમિયાન આજે અમરેલીમાં એક જ દિવસમાં 7 ડિગ્રી જેટલો ઘટાડો નોંધાતા લઘુત્તમ તાપમાન 11.4 ડિગ્રી સુધી પહોંચી ગયું છે. અને મહત્તમ તાપમાન 30.3 ડિગ્રી નોંધાયું હતું, જ્યારે હવામાં ભેજનું પ્રમાણ 69 ટકા રહ્યું હતું.
આગામી દિવસોમાં તાપમાનમાં ઘટાડો થતાં શિયાળાની અસર વધુ સ્પષ્ટ બનવાની સંભાવના છે. આમ, અમરેલી જિલ્લામાં હવે ધીમે ધીમે ઠંડીનું જોર વધતાં લોકોને ગરમ વસ્ત્રોનો સહારો લેવાનો સમય નજીક આવી રહ્યો છે.
જામનગરમાં દેવ ઉઠી અગિયારસ એ જ શિયાળો બેસી ગયો હોય તે અને તાપમાનનો પારો 4.5 ડિગ્રી નીચે સરસ કયો છે. હવે શિયાળાની ઠંડી ધીમે ધીમે જમાવટ કરી રહી છે. જેના કારણે સુધી તાપમાન 15.5 ડિગ્રી રહેતાં લોકો વહેલી સવારે ઠંડીનો ચમકારો અનુભવી રહ્યા છે.
જામનગર વાસીઓએ કબાટમાંથી ગરમ કપડાં પરી પહેરવાનું કટ આવી ગયો છે શિયાળાની ઠંડીએ આજે ચમકારો દેખાતા જ શહેરીજનોની સાથે સાથે પશુ પક્ષીઓ ઉપર પણ ઠંડીની અસર જોવા મળી હતી.
આમ જામનગર શહેરમાં ગરમ કપડાની માર્કેટમાં આ ઠંડીને લીધે ઘરમાં આવી ગયો છે જામનગરમાં હવે શિયાળાની ઠંડી નો હિસાબ શરૂ થયો છે શહેરમાં શહેરમાં છેલ્લા 24 કલાકમાં લઘુતમ તાપમાનમાં 4.5 ડિગ્રીનો મોટો ઘટાડો થતાં આજે લઘુતમ તાપમાનનો પારો 15.5 ડિગ્રી નોંધાયો હતો આમ પારો નીચે સરકતા સાથે જ લઘુતમ તાપમાન નીચે પહોંચી ગયું છે.
જેથી ઠંડી વધતા શહેરીજનો ગરમ કપડા પહેરવાનો વખત આવી ગયો છે.તો ગરમ કપડાની માર્કેટમાં પણ ગરમાંંવો આવવા આવ્યો હતો. આજની આ ઠંડીને લીધે પશુ પક્ષી ઉપર પણ તેની સીધી અસર જોવા મળતી હતી.
જામનગર જિલ્લા કલેકર જિલ્લા કલેકટર કચેરીના કંટ્રોલરૂમમાં છેલ્લા 24 કલાકમાં લઘુતમ તાપમાન નો પારો 15.5 ડિગ્રી નોંધાયો હતો જ્યારે મહત્તમ તાપમાન 31 ડિગ્રી હતું તો વાતાવરણમાં ભેજનું પ્રમાણ 55 ટકા રહ્યું છે જ્યારે પવનની ગતિ પ્રતિ કલાક 4.2 કિમીની નોંધાય છે.
ભાવનગર શહેરમાં ઠંડીનું પ્રમાણ વધ્યું છે. લઘુત્તમ તાપમાન ચાર ડિગ્રી ગગડતા વાતાવરણમાં ઠંડક પ્રસરી ગઈ હતી. આજે સવારે લઘુત્તમ તાપમાન 16.8 ડિગ્રી નોંધાયું છે. લઘુત્તમ તાપમાનની સાથે બપોરે મહત્તમ તાપમાન ગગડીને 29.5 ડિગ્રી સેન્ટીગ્રેડ થઈ ગયું છે. વેસ્ટર્ન ડિસ્ટર્બન્સ પસાર થયા બાદ ઉત્તર-પૂર્વના ઠંડા પવનોની અસરથી તાપમાનમાં ઘટાડો થયો છે.
બીજી તરફ, 24 કલાક અગાઉ લઘુત્તમ તાપમાન 20.6 ડિગ્રી સેન્ટીગ્રેડ હતું, જેમાં નોંધપાત્ર ઘટાડો થઈને આજે 16.8 ડિગ્રી સેન્ટીગ્રેડ નોંધાયું હતું. આજે શનિવારે ભાવનગર શહેરનું લઘુત્તમ તાપમાન 16.8 ડિગ્રી નોંધાયું છે. જ્યારે સવારે વાતાવરણમાં ભેજનું પ્રમાણ 67 ટકા રહ્યું હતું, જ્યારે પવનની ઝડપ 4 કી.મી. પ્રતિ કલાકની રહી હતી.
તાપમાનમાં થયેલા ઘટાડાને કારણે વહેલી સવારે અને મોડી રાત્રે ઠંડીનો ચમકારો અનુભવાયો હતો. સવારે ફરવા નીકળતા લોકો અને નોકરી-ધંધે જતા લોકોએ ગરમ કપડાંનો ઉપયોગ કરવો પડ્યો હતો. આગામી દિવસોમાં ઠંડીનું પ્રમાણ વધુ વધવાની શક્યતા હવામાન વિભાગ દ્વારા વ્યક્ત કરવામાં આવી રહી છે.

