New Delhi તા, 21
વેલિંગ્ટન ટેસ્ટની પહેલી ઇનિંગ્સમાં સદી ફટકારીને કેએલ રાહુલે એક ખાસ સિદ્ધિ મેળવી છે. તે ભારત તરફથી SENA દેશો એટલે કે દક્ષિણ આફ્રિકા, ઇંગ્લેન્ડ, ન્યુઝીલેન્ડ અને ઓસ્ટ્રેલિયામાં ટેસ્ટ ઓપનર તરીકે સદી ફટકારનાર પ્રથમ બેટ્સમેન બન્યા છે. SENA દેશોમાં નીચે મુજબના આ પાંચ આંતરરાષ્ટ્રીય બેટ્સમેનોએ સૌથી વધુ સદી ફટકારી છે.
સચિન તેંડુલકર
SENA દેશોમાં સૌથી વધુ સદી ફટકારવાનો રેકોર્ડ રમત જગતમાં ‘ક્રિકેટના ભગવાન’ તરીકે જાણીતા સચિન તેંડુલકરના નામે નોંધાયેલો છે. તેમણે SENA દેશોમાં સૌથી વધુ 26 સદી ફટકારી છે. ટેસ્ટ ક્રિકેટમાં તેમના બેટમાંથી 17 સદી આવી છે.
વિરાટ કોહલી
સચિન તેંડુલકર પછી બીજા સ્થાને અન્ય કોઈ નહીં પણ એક વધુ ભારતીય દિગ્ગજ બેટ્સમેનનું નામ આવે છે. તે ધુરંધર બેટ્સમેન વિરાટ કોહલી છે. કોહલીએ SENA દેશોમાં કુલ 22 સદી ફટકારી છે. ટેસ્ટમાં તેમના બેટમાંથી 12 સદી આવી હતી.
બ્રાયન લારા
ત્રીજા સ્થાને વેસ્ટ ઇન્ડિઝ ક્રિકેટ ટીમના ભૂતપૂર્વ દિગ્ગજ બેટ્સમેન બ્રાયન લારા છે. લારાએ SENA દેશોમાં રમતા કુલ 18 સદી ફટકારી હતી. તેમના બેટમાંથી ઓસ્ટ્રેલિયામાં આઠ, દક્ષિણ આફ્રિકામાં પાંચ, ઇંગ્લેન્ડમાં ચાર અને ન્યુઝીલેન્ડમાં એક સદી જોવા મળી હતી.
કુમાર સંગાકારા
ચોથા સ્થાને ભૂતપૂર્વ શ્રીલંકન દિગ્ગજ કુમાર સંગાકારા છે. તેમણે SENA દેશોમાં 17 સદી ફટકારી છે. સંગાકારાના બેટમાંથી ઓસ્ટ્રેલિયામાં છ, દક્ષિણ આફ્રિકામાં પાંચ, ઇંગ્લેન્ડમાં ચાર અને ન્યુઝીલેન્ડમાં બે સદી આવી હતી.
રોહિત શર્મા
આ યાદીમાં પાંચમા સ્થાને રોહિત શર્માનું નામ આવે છે. ‘હિટમેન’ શર્માએ SENA દેશોમાં 16 સદી ફટકારી છે. રોહિતના બેટમાંથી આ સદીઓ મોટાભાગે વનડે ફોર્મેટમાં જ આવી છે. તેમણે ઓસ્ટ્રેલિયા અને ઇંગ્લેન્ડમાં ઘણું શાનદાર પ્રદર્શન કર્યું છે.

