New Delhi, તા.10
આઈપીએલ 2026ની સીઝનમાં ટીમો વચ્ચે કડક ટક્કર જોવા મળી રહી છે, જ્યાં દરેક મેચ રોમાંચથી ભરપૂર બની રહી છે. એવા જ એક મુકાબલામાં ગુજરાત ટાઇટન્સે દિલ્હી કેપિટલ્સ સામે શાનદાર પ્રદર્શન કરીને જીત નોંધાવી, પરંતુ આ જીત વચ્ચે ટીમના કેપ્ટન શુભમન ગિલ માટે એક નકારાત્મક સમાચાર સામે આવ્યા છે.
ગુજરાત ટાઇટન્સના કેપ્ટન શુભમન ગિલને દિલ્હી કેપિટલ્સ સામેની IPL મેચમાં ધીમી ઓવર-રેટ જાળવવા બદલ રૂ.12 લાખનો દંડ ફટકારવામાં આવ્યો છે. બુધવારે રોમાંચક મેચ એક રનથી જીતીને ગુજરાતે પોતાનું ખાતું ખોલ્યું.
IPL ની આચાર સંહિતાની કલમ 2.22 હેઠળ આ ટીમનો પહેલો ગુનો હતો, જેના કારણે ગિલ પર આ દંડ લાગુ કરવામાં આવ્યો છે. મેચ દરમિયાન ગિલ સહિત ગુજરાતના 3 ખેલાડીઓએ અડધી સદી ફટકારી હતી, જેના કારણે ટીમે આ સીઝનનો સૌથી મોટો સ્કોર બનાવ્યો અને દિલ્હી કેપિટલ્સને આ સીઝનની પ્રથમ હાર આપી.
