(રવિ નિમાવત દ્વારા)
Morbi તા.૧ઃ
સુલ્તાનપુર ગામમાં જૂની અદાવતનો ખાર રાખી બે ભાઈઓ જતા હતા ત્યારે ચાર ઇસમોએ લાકડાના ધોકા વડે હુમલો કરી ધોકા અને ઢીકા પાટું વડે માર મારી ઈજા કરી જાનથી મારી નાખવાની ધમકી આપી હતી માળિયા (મી.) પોલીસે ફરિયાદ નોંધી તપાસ ચલાવી છે
માળિયા તાલુકાના સુલ્તાનપુર ગામના રહેવાસી સુનીલભાઈ લાભુભાઈ દેગામાં (ઉ.વ.૨૫) વાળાએ આરોપીઓ અક્ષય અમરશીભાઈ સીતાપરા, મહિપત અમરશીભાઈ સીતાપરા, રાહુલ અમરશીભાઈ સીતાપરા અને અજય અમરશીભાઈ સીતાપરા રહે બધા સુલ્તાનપુર વાળા વિરુદ્ધ ફરિયાદ નોંધાવી છે જેમાં જણાવ્યું છે કે ફરિયાદી સુનીલભાઈને આરોપી અક્ષય સાથે અગાઉ ઝઘડો થયો હતો અને ગત તા. ૩૦-૦૯ ના રોજ સુલ્તાનપુર ગામમાં આંગણવાડી સામે પાનના ગલ્લા પાસે ફરિયાદી સામે ઈશારો કરતો હતો
જે બાબતે સમજાવવા જતા ચારેય ઇસમોએ લાકડાના ધોકા વડે ફરિયાદી સુનીલને માથામાં અને બરડાના ભાગે અને ડાબા હાથે મુંઢ ઈજા કરી હતી તેમજ ભાઈ વિક્રમ છોડાવવા વચ્ચે પડતા આરોપી અક્ષય અને રાહુલે બંને પગ અને હાથમાં લાકડાના ધોકા મારી ઈજા કરી તેમજ આરોપી અક્ષયે જાનથી મારી નાખવાની ધમકી આપી હતી માળિયા પોલીસે આરોપીઓ વિરુદ્ધ ફરિયાદ નોંધી તપાસ ચલાવી છે
