સામૂહિક શ્રમદાન દ્વારા સ્વચ્છતા, જનભાગીદારી અને સામૂહિક જવાબદારીનો આપ્યો સંદેશ
Rajkot તા.૧ઃ
પશ્ચિમ રેલવેના રાજકોટ ડિવિઝનમાં સ્વચ્છતા હી સેવા૨૦૨૬ અભિયાન ૧૭ સપ્ટેમ્બરથી ૨ ઓક્ટોબર ૨૦૨૬ સુધી તેમજ સ્વચ્છતા પખવાડા૨૦૨૬ ૧ ઓક્ટોબરથી ૧૫ ઓક્ટોબર ૨૦૨૬ દરમિયાન યોજાઈ રહ્યું છે. આ અંતર્ગત, ૧ ઓક્ટોબર ૨૦૨૬ના રોજ ‘‘એક દિવસ, એક કલાક, એક સાથે’’ થીમ હેઠળ દેશવ્યાપી સામૂહિક શ્રમદાન કાર્યક્રમનું આયોજન કરવામાં આવ્યું હતું.
રાજકોટ ડિવિઝનના સીનિયર ડિવિઝનલ કોમર્શિયલ મેનેજર શ્રી સુનીલ કુમાર મીનાના જણાવ્યા અનુસાર, આ પ્રસંગે સવારે ૦૭૩૦ થી ૦૮૩૦ વાગ્યા દરમિયાન રાજકોટ ડિવિઝનલ કચેરીના મિકેનિકલ સેક્શન પાછળ આવેલા ગ્રાઉન્ડ તેમજ કેન્ટીન ગ્રાઉન્ડ નજીક વિશેષ સ્વચ્છતા અભિયાન હાથ ધરવામાં આવ્યું હતું.
આ સામૂહિક શ્રમદાન કાર્યક્રમમાં રાજકોટ ડિવિઝનલ રેલવે મેનેજર શ્રી ગિરિરાજ કુમાર મીના, સીનિયર ડિવિઝનલ એન્જિનિયર (કો-ઓર્ડિનેશન) શ્રી નરેન્દ્ર સિંહ, સીનિયર ડિવિઝનલ મિકેનિકલ એન્જિનિયર શ્રી મેઘરાજ તાતેડ તેમજ આસિસ્ટન્ટ ડિવિઝનલ મિકેનિકલ એન્જિનિયર શ્રી દ્વીપ સભાપરા સહિત વિવિધ વિભાગોના અધિકારીઓ અને કર્મચારીઓએ ઉત્સાહપૂર્વક ભાગ લીધો હતો.
શ્રમદાન દરમિયાન નિયત વિસ્તારોમાં સફાઈ, કચરો એકત્ર કરવો તેમજ સ્વચ્છતા સંબંધિત વિવિધ પ્રવૃત્તિઓ હાથ ધરવામાં આવી હતી. અધિકારીઓ અને કર્મચારીઓએ સામૂહિક રીતે સ્વચ્છતા પ્રવૃત્તિઓમાં સહભાગી થઈ સ્વચ્છ કાર્યસ્થળ પ્રત્યે પોતાની પ્રતિબદ્ધતા દર્શાવી હતી.
