Washington,તા.06
અમેરિકન પ્રમુખ ડોનાલ્ડ ટ્રમ્પ પર અનેક પ્રકારના હુમલાના જોખમો સતત રહે છે તેથી તેઓને વિશ્વની સૌથી શ્રેષ્ઠ સુરક્ષા આપવામાં આવી છે પણ આ પ્રકારની સુરક્ષાઓ જરા પણ ચૂક થઈ જાય કે ગફલતથી પણ ભુલ થાય તો પ્રમુખ માટે મોટું જોખમ સર્જાય છે.
આવી જ સ્થિતિ ગઈકાલે વોશિંગ્ટનના આકાશમાં બની હતી અને તેના કારણે પ્રમુખ ડોનાલ્ડ ટ્રમ્પની સુરક્ષા વ્યવસ્થા જોખમાઈ પ્રમુખ ડોનાલ્ડ ટ્રમ્પને લઈ જતા તેમના મીલીટ્રી હેલીકોપ્ટર જે મરીન-વન નામે ઓળખાય છે તે તથા એક મુસાફર વિમાન વચ્ચે ફકત એક જ કિમીનું અંતર રહી ગયુ હતું.
મતલબ કે બન્ને ખતરનાક રીતે સામસામા આવી ગયા હતા. વાસ્તવમાં મરીન-વન જે પ્રમુખ ટ્રમ્પને લઈ જતું મીલીટ્રી હેલીકોપ્ટર તથા કંટ્રોલ ટાવર વચ્ચેની વાતચીતમાં કોઈ ગડબડ ન હતી. જયારે અમેરિકી પ્રમુખને લઈ જતા વિમાનનું ટેક ઓફ કે લેન્ડીંગ હોય તો તે હવાઈ ક્ષેત્રમાં ચોકકસ અંતર સુધી કોઈ વિમાન કે હવાઈ ઓબજેકટને ઉડ્ડયનની મંજુરી હોતી નથી.
ઓલ કલીયરનો મેસેજ આવી ગયા બાદ જ એ રૂટ પર વિમાની આવાગમનને મંજુરી હોતી નથી. ઓલ કલીયરનો મેસેજ આવી ગયા બાદ જ એ રૂટ પર વિમાની આવાગમનને છુટ મળે છે અને આ સ્થિતિમાં બન્નેના રૂટ 1.5 કિ.મી.ના દુર અને 500 ફુટની ઉંચાઈ તફાવત પણ જળવાઈ રહે તે નિશ્ચિત કરવાનું હોય છે.
આ ઘટના જયારે પ્રમુખ ટ્રમ્પ વ્હાઈટ હાઉસથી એડ્રયસ એર ફોર્સ બેસ પર જઈ રહ્યા હતા. તેઓ એરફોર્સ વનમાં બેસી કેલિફોર્નિયા જવાના હતા. હવે જે વિમાન અને પ્રમુખના હેલીકોપ્ટર વચ્ચે અત્યંત નજીકની સ્થિતિ બની તેની પણ તપાસ થઈ રહી છે.
જો કે વ્હાઈટ હાઉસ કલકતાએ કહ્યું કે મરીન વન દુનિયાના શ્રેષ્ઠ પાઈલોટ છે અને ગઈકાલની ઘટનામાં પ્રમુખના હેલીકોપ્ટરને કોઈ ખતરો ન હતો. બન્ને પાઈલોટ તથા એરટ્રાફીક કંટ્રોલર સતત સંપર્કમાં હતા.
