130 લિટર દેશી દારૂ સાથે કિશન ઉર્ફે કાળું અને વિમલ પરમારની ધરપકડ : રૂ. 34,600 નો મુદ્દામાલ કબ્જે
Harpalsinh Jadeja,Rajkot,તા.19
શહેરના નવા થોરાળાના મકાનમાં ધમધમતી દેશીદારૂની ભઠ્ઠી પર પોલીસ ત્રાટકી હતી. સ્થાનિક પોલીસે દરોડો પાડી રૂ. 26 હજારની કિંમતનો 130 લીટર દેશી દારૂ સહિત રૂ 34600 ની કિંમતનો મુદામાલ કબ્જે કરી બેલડીની ધરપકડ કરી હતી.
દરોડાની પ્રાપ્ત વિગત મુજબ થોરાળા પોલીસ સ્ટેશનના પીઆઇ એસ પી સોઢાના માર્ગદર્શન હેઠળની ટીમ પેટ્રોલિંગમાં હતી. દરમિયાન હેડ કોન્સ્ટેબલ વિક્રમભાઈ લોખિલ, હિતેશભાઈ પરમારને ખાનગી રાહે બાતમી મળેલ કે, નવા થોરાળા મેઇન રોડ પર હનુમાનજી મંદિર પાસે આવેલ મકાનમાં દેશીદારૂની ભઠ્ઠી ધમધમી રહી છે. જેથી પોલીસે મકાનમાં દરોડો પાડી દેશી દારૂની ભઠ્ઠી ઝડપી લીધી હતી. અહીંથી પોલીસે 130 લિટર દેશી દારૂ, ભઠ્ઠી, સિલિન્ડર, તપેલા સહીત રૂ. 34,600 નો મુદ્દામાલ કબ્જે કરી ઘરધણી કિશન ઉર્ફે કાળુ દિનેશભાઈ પરમાર(ઉવ 30) અને વિમલ દિનેશભાઈ પરમાર (ઉવ 34 રહે. નવા થોરાળા, રાજકોટ) વિરુદ્ધ પ્રોહીબિશન એક્ટ હેઠળ ગુનો નોધી ધરપકડ કરી હતી.
