Guwahatiતા.૧૧
ભારતીય ક્રિકેટમાં દિગ્ગજ ઓલરાઉન્ડરોની યાદીમાં વધુ એક સુવર્ણ પ્રકરણ ઉમેરાયું છે. રવિન્દ્ર જાડેજાએ ્૨૦ ક્રિકેટમાં એક એવો સિમાચિહ્ન હાંસલ કર્યો છે જે દરેક ખેલાડીની પહોંચની બહાર છે. આઇપીએલ ૨૦૨૬ માં રોયલ ચેલેન્જર્સ બેંગ્લોર સામે રાજસ્થાન રોયલ્સની છ વિકેટની જીત દરમિયાન, જાડેજાએ ટી ૨૦ ક્રિકેટમાં ૪,૦૦૦ રન અને ૨૦૦ વિકેટનો સીમાચિહ્ન હાંસલ કર્યો. તે આ સિદ્ધિ મેળવનાર માત્ર બીજો ભારતીય ઓલરાઉન્ડર બન્યો. ગુવાહાટીના બારસાપારા ક્રિકેટ સ્ટેડિયમમાં રમાયેલી મેચમાં અણનમ ૨૪ રન બનાવીને જાડેજાએ આ સિદ્ધિ હાંસલ કરી.
આ દિગ્ગજ ઓલરાઉન્ડર પાસે હવે ટી ૨૦ ક્રિકેટમાં ૪,૦૧૬ રન અને ૨૩૮ વિકેટ છે, જે તેના પ્રભાવશાળી ઓલરાઉન્ડ પ્રદર્શનને પ્રતિબિંબિત કરે છે. તેના પહેલા, ફક્ત હાર્દિક પંડ્યા, જેમની પાસે ૬,૧૬૫ રન અને ૨૨૭ વિકેટ છે, તે આ ચુનંદા ક્લબનો સભ્ય હતો. જોકે, જાડેજા આ સિદ્ધિ મેળવનાર કુલ ૨૫મો ખેલાડી છે. જાડેજા હવે ટી ૨૦ ક્રિકેટમાં ૫,૦૦૦ રન અને ૨૫૦ વિકેટ સુધી પહોંચવાનું લક્ષ્ય રાખી રહ્યો છે.
જાડેજાએ ૨૦૦૮ માં રાજસ્થાન રોયલ્સ સાથે તેની આઇપીએલ કારકિર્દીની શરૂઆત કરી હતી, જ્યાં ટીમે ટાઇટલ જીત્યું હતું. ત્યારબાદ તે ચેન્નાઈ સુપર કિંગ્સ (સીએસકે), કોચી ટસ્કર્સ કેરળ અને ગુજરાત લાયન્સ માટે રમ્યો.આઇપીએલમાં તેની પાસે ૧૭૩ વિકેટ છે, જે લીગના ઇતિહાસમાં સૌથી વધુ વિકેટ લેનારા બોલરોની યાદીમાં નવમા ક્રમે છે. જાડેજા આઇપીએલમાં છઠ્ઠા ક્રમે સૌથી વધુ વિકેટ લેનાર બોલર છે, યુઝવેન્દ્ર ચહલ (૨૨૪), સુનીલ નારાયણ (૧૯૪), પિયુષ ચાવલા (૧૯૨), રવિચંદ્રન અશ્વિન (૧૮૭) અને અમિત મિશ્રા (૧૭૪) પછી.
નોંધનીય છે કે રવિન્દ્ર જાડેજાએ ટી ૨૦ આંતરરાષ્ટ્રીય ક્રિકેટમાં ભારત માટે ૫૧૫ રન બનાવ્યા છે અને ૫૪ વિકેટ લીધી છે. તે ૨૦૨૪ ટી ૨૦ વર્લ્ડ કપ જીતનાર ભારતીય ટીમનો પણ મુખ્ય ભાગ હતો. આ ખિતાબ સાથે, જાડેજાએ ટી ૨૦ ક્રિકેટમાંથી નિવૃત્તિ લીધી. જો કે, તે ટેસ્ટ અને વનડે ક્રિકેટમાં સક્રિય રહે છે.
