New Delhi, તા.21
મેમરી ચિપના ખર્ચમાં તીવ્ર વધારાને કારણે, મોટાભાગની કંપનીઓના હાઇ-એન્ડ અને એડવાન્સ્ડ સ્માર્ટફોનના ભાવ આ વર્ષના અંત સુધીમાં 30 ટકાથી વધુ વધી શકે છે, જે રૂા.100,000 થી વધુ સુધી પહોંચી શકે છે. માર્કેટ રિસર્ચ ફર્મ કાઉન્ટરપોઇન્ટે શુક્રવારે આ આગાહી કરી હતી.
કંપનીના જણાવ્યા અનુસાર, સ્માર્ટફોનના ભાવ વધવાની સાથે, ગ્રાહકોની અપેક્ષાઓ પણ વધી રહી છે. તેઓ ફોન પ્રોસેસિંગ સ્પીડ, કેમેરા, બેટરી, ટકાઉપણું અને વેચાણ પછીની સેવા સહિત અન્ય સુવિધાઓના સંદર્ભમાં વધુ સારો અનુભવ ઇચ્છે છે.
કાઉન્ટરપોઇન્ટ રિસર્ચે તેના અહેવાલમાં જણાવ્યું હતું કે, “થોડા વર્ષો પહેલા, ભારતમાં રૂા.100,000 થી ઓછી કિંમતનો સ્માર્ટફોન મળવો દુર્લભ હતો. આજે, હાઇ-એન્ડ સ્માર્ટફોનની વધતી કિંમતો સાથે, આ કિંમત સામાન્ય બની રહી છે. 2025 ની સરખામણીમાં 2026ના અંત સુધીમાં સૌથી એડવાન્સ્ડ પ્રીમિયમ સ્માર્ટફોનના ભાવમાં 30 ટકાથી વધુનો વધારો થવાનો અંદાજ છે.” રિપોર્ટ અનુસાર, ઓપ્પોના હાઇ-એન્ડ સ્માર્ટફોનના ભાવમાં 82-87% નો વાર્ષિક વધારો જોવા મળ્યો છે.
ફોનમાં મેમરીનો ખર્ચ 13 થી 40% સુધી વધ્યો
કાઉન્ટરપોઇન્ટ રિસર્ચના રિસર્ચ ડિરેક્ટર તરૂણ પાઠકે જણાવ્યું હતું કે, AI ડેટા સેન્ટર્સની વધતી માંગને કારણે DRAM (ટેમ્પરરી ડેટા સ્ટોરેજ ચિપ્સ) અને ગઅગઉ મેમરીનો ખર્ચ વધ્યો છે.
આના કારણે સ્માર્ટફોનના કુલ મટીરીયલ ખર્ચમાં મેમરીનો હિસ્સો 2019ની શરૂઆતમાં લગભગ 13 ટકાથી વધીને 2025 સુધીમાં 40 ટકાથી વધુ થઈ ગયો છે. આના કારણે સ્માર્ટફોન કંપનીઓએ ખર્ચને નિયંત્રિત કરવા માટે ફોનની સુવિધાઓ, ઘટકો અને ઉત્પાદન વ્યૂહરચનાઓની સમીક્ષા કરી છે.

