ઠંડીની ઋતુ શિયાળો આવે એટલે સ્ત્રીઓને સ્કાર્ફની યાદ આવે, પરંતુ શું તમને ખબર છે કે આ સ્કાર્ફની શરૂઆત કેવી રીતે થઈ?
સન ૧૭૮૩માં ડયૂક ઑફ ક્રોકો ત્રીજાને આ આઈડિયા આવ્યો કે ગળામાં ઠંડીથી બચવા અને હૂંફ માટે લાંબા મટીરિયલનું કાપડ વીંટવું જોઈએ, પછી આ પ્રયોગ વૂલન કાપડથી કર્યો અને આઈસલૅન્ડથી જન્મ થયો સ્કાર્ફનો. અત્યારે ફેન્સી સ્ટોલ પણ ભારે ડિમાન્ડમાં છે. તમે કોઈ ખાસ પ્રસંગે હેવી શોલ પણ યુઝ કરી શકો છે. જે તમને રૉયલ લુક આપશે.
૧. તમે જિન્સ અને ટીશર્ટ ઉપર હલકા કલરના વૂલન સ્કાર્ફ નાખી શકો છો.
૨. ફેન્સી દેખાવા અને કૉલેજમાં રેગ્યુલર સિલ્ક અને જોર્જટ મટીરિયલના સ્કાર્ફ કે સ્ટોલ પણ યુનિક લાગશે.
૩. તમે પંજાબી સલવાર કમીઝ પર દુપટ્ટાની જગ્યાએ સ્ટોલ ઉપયોગ કરશો તો તમને રિચ અને એટ્રેક્ટિવ લૂક મળશે.
૪. પણ ધ્યાન રહે કે પાર્ટી કે કોઈ પ્રસંગે સ્ટોલ કે સ્કાર્ફ યુઝ કરો ત્યારે બને તેટલા બ્રાઈટ કલર યુઝ કરવા.
૫. અત્યારે માર્કેટમાં પ્લેન અને પ્રિન્ટેડની સાથે-સાથે વર્કવાળા સ્કાર્ફ અને સ્ટોલ પણ મળે છે. તમને ઓકેઝનમાં ડ્રેસ સાથે હેવી લુક આપશે.
૬. હવે મૅન્સ વેરના સાથે પણ ફેન્સી સ્કાફ મળે છે જે રેગ્યુલર શર્ટ અંદર ગળામાં ટાઈની જેમ રેપ કરી પહેરવાથી ઠંડી નહીં લાગે અને ઉનાળામાં પરસેવો પણ શોષી લેશે.
૭. પણ ધ્યાન રહે કે પીળા શર્ટમાં તમે બ્લેક સ્કાર્ફ પહેરશો તો ટૅક્સી જેવા લાગશો એટલે જે તે ડ્રેસ સાથે કલર કોમ્બિનેશન પણ મેચ કરીને પછી જ પહેરવાનો આગ્રહ રાખવો.
૮. તમે વિન્ટરમાં સાડી ઉપર અવનવા સ્ટોલ રોજિંદા જીવનમાં પહેરી શકો છો અને પાર્ટી માટે એક્સાઈડ સ્ટોલ ફૅશન તરીકે પણ યુઝ કરી શકો છો.
૯. બ્રિટિશ કૉલેજ અને યુનિવર્સિટીઝમાં અમુક ચોક્કસ કલરના સ્કાર્ફ પહેરવાના હોય છે. તમે પણ તમારી યુનિવર્સિટીઝમાં બધા ફ્રેન્ડઝ ભેગા થઈ આવું કરી શકો છો અને બધાનું ધ્યાન તમારી તરફ કેન્દ્રિત કરી શકો છો.
૧૦. ફેન્સી સ્કાર્ફ અને સ્ટોલ સાથે મેટલ કે મોતીની એસેસરીઝ તમારી પર્સનાલિટીને ચાર ચાંદ લગાવી આપશે.
