પોલીસે આરોપીની ધરપકડ કરી અને આરોપી પાસેથી ૫૦૦, ૨૦૦, ૧૦૦ની નકલી નોટો સાથે પ્રિન્ટર, કાગળો સહિતની સામગ્રી પોલીસે કરી જપ્ત કરી
Surat, તા.૧૦
સુરત શહેરમાં ફરી એકવાર કામરેજ માંથી નકલી નોટો પકડાવવાનો સિલસિલો યથાવત રહ્યો છે. કામરેજ ખાતે યુવાને વેબસિરીઝ જોઈને રત્નકલાકારે પોતાના ઘરે જ નકલી નોટો છાપવાનું શરુ કરી દીધુ હતું. અને આરોપી નકલી નોટો છાપીને બજારમાં વટાવતો હતો. પોલીસે આરોપીની ધરપકડ કરી અને આરોપી પાસેથી ૫૦૦, ૨૦૦, ૧૦૦ની નકલી નોટો સાથે પ્રિન્ટર, કાગળો સહિતની સામગ્રી પોલીસે કરી જપ્ત કરી હતી. સુરત જિલ્લામાં નકલી ચલણી નોટો પકડાવવાનો સિલસિલો યથાવત છે. કામરેજ ગામેથી પોલીસે નકલી ચલણી નોટો ઝડપી લીધી છે. ૫૦૦ના દરની ૬૮ નોટો, ૨૦૦ના દરની ૧૧૪ નોટો અને ૧૦૦ના દરની ૩૨ નોટો જપ્ત કરવામાં આવી છે. વેબસિરીઝ જોઈને રત્નકલાકારે ફ્લેટમાં રૂપિયા ૬૦ હજારની નકલી નોટો છાપી. કામરેજના શ્રીજી એવન્યૂના ફ્લેટ માંથી ૧.૫૬ લાખનો મુદ્દામાલ કબજે. શહેર અને ગ્રામ્ય વિસ્તારના નાના દુકાનદારો, વેપારીને ટાર્ગેટ કરતો હતો. ઝડપાયેલો કરણ વાઢેર એક ડબલ કરવાના બહાને નકલી નોટ પધરાવતો હતો.
શાહિદ કપૂરની ફેમસ વેબ સિરીઝ ફર્ઝી માંથી શીખીને કામરેજના શ્રીજી એવન્યુ ફ્લેટ નં. બી-૫૦૬માં રહેતા કરણ ગુણવંતભાઈ વાહેર પોતાના ઘરે બનાવટી ચલણી નોટો છાપતો હતો જે બાતમીના આધારે પોલીસે ફ્લેટ પર રેડ કરતા રત્ન કલાકારની કલાકારી જોઈને પોલીસ પણ ચોંકી ઉઠી હતી કારણ કે રત્નકલાકારના રૂમ માંથી ૫૦૦નાં દરની ૬૮ નંગ નોટો, ૨૦૦ના દરની ૧૧૪ નંગ નોટો, ૧૦૦નાં દરની ૩૨ નંગ નોટો મળી કુલ ૨૧૪ બનાવટી ચલણી નોટો મળી આવી હતી. આરોપીએ ૫૦૦, ૨૦૦, ૧૦૦ દરની પ્રિન્ટ કરેલી બનાવટી ચલણી નોટો છાપવા મૂકી હતી. જે જોઈને પોલીસે પૂછપરછ કરતા રત્ન કલાકારે બનાવટી નોટો છાપતો હોવાનું કબૂલ્યું હતું. જેને લઈને પોલીસે બનાવટી નોટોના મુદામાલ સાથે કુલ ૧,૫૬,૦૦ રૂપિયાનો મુદ્દામાલ કબ્જે કરી સ્થળ પરથી જ રત્નકલાકાર નામે કરણ વાઢેરને ઝડપી લઈને કાયદેસરની કાર્યવાહી હાથધરી છે. ખ્ય સુત્રધાર રત્નકલાકાર કરણ વાઢેરે ફર્ઝી વેબસિરિઝ જોઈ બનાવટી ભારતીય ચલણી નોટો છાપવા પ્રેરાયો હતો. તે સુરત શહેર અને ગ્રામ્ય વિસ્તારનાં નાના દુકાનદારો, વેપારીને ટાર્ગેટ કરી અલગ અલગ જગ્યાએ માર્કેટમાં પાંચ મહિનાથી ટુકડે ટુકડે ડુપ્લિકેટ નોટ ફરતી કરતો હતો હાલ તો પોલીસે આરોપી કરણ વાઢેરે કેટલી માત્રામાં ક્યાં ક્યાં નકલી નોટો પધરાવી તેની તપાસ શરૂ કરી.
