Glasgow, તા.3
ગ્લાસગોમાં રમાયેલા કોમનવેલ્થ ગેમ્સ 2026માં ભારતીય બોક્સર્સે રિંગની અંદર શાનદાર પ્રદર્શન કરી ઈતિહાસ રચ્યો હતો. ભારતે બોક્સિંગમાં અત્યારસુધીનું સૌથી શાનદાર પ્રદર્શન કરતા ગોલ્ડ મેડલ જીતવામાં સફળતા હાંસલ કરી હતી.
જોકે, આ દરમિયાન રિંગની બહાર એવી ઘટના ઘટી કે ભારતીય એથ્લિટ્સ ભડક્યા હતા. આ ઘટના એક રેસ્ટોરામાં ઘટી હતી, જ્યારે રહેલા નેપકિન પર ભારતનો ખોટો નક્શો છપાયો હતો.
આ વિવાદ ગ્લાસગોની લોકપ્રિય ભારતીય રેસ્ટોરાં મિસ્ટર સિંગ્સ ઈન્ડિયાનો છે. રમતમાં સફળતા બાદ ભારતીય ભારતીય ખેલાડીઓ અહીં ડિનર માટે પહોંચ્યા હતા. પરંતુ અહીં ટેબલ પર રાખેલા નેપકિન પર નજર પડી તો તમામ ખેલાડીઓ ભડક્યા હતા.
આસામથી આવનાર સ્ટાર બોક્સર લવલીના બોરગોહેનને ધ્યાનમાં આવ્યું કે,- રેસ્ટોરાં એ નેપકિન પર ભારતનો જે નક્શો પ્રિન્ટ કર્યો છે, તેમાંથી નોર્થ ઈસ્ટનો હિસ્સો ગાયબ હતો.
આ ગંભીર બેદરકારી પર લવલીના એ તાત્કાલિક રોષ વ્યક્ત કર્યો હતો. લવલીના એ કહેલ વાતને ભારતીય બોક્સિંગ ફેડરેશનનાં અધ્યક્ષ અજય સિંહે પણ ખુલીને સાથ આપ્યો હતો.
અજય સિંહે સાથે કહ્યું કે- `નેપકિન પરથી નોર્થ ઈસ્ટ ગાયબ હોવાની સાથે જમ્મુ-કાશ્મીરનો નક્શો ખોટો હતો. અજય સિંહે રેસ્ટોરાં મેનેજમેન્ટને તાત્કાલિક નેપકિન હટાવવા અને યોગ્ય નક્શો વાપરવાની માગ કરી હતી.
