Amreli , તા.23
દામનગર નજીક ક્રાઇમ બ્રાંચે વિદેશી દારૂની હેરાફેરી કરતા એક શખ્સને ઝડપી લઇ ગુનો નોંધાવ્યો છે. અમરેલી જિલ્લામાંથી દારૂની બદી દુર કરવા અને પ્રોહિબીશનના વેચાણ, સંગ્રહ અને હેરફેરની પ્રવૃતિ કરતા ઇસમો ઉપર વોચ ગોઠવી તેમના ઉપર સફળ રેઇડ કરવા સુચના અને માર્ગદર્શન આપેલ હોય, જે અન્વયે અમરેલી એલ.સી.બી. પોલીસ ઇન્સ. સી.પી.વાઘેલાની રાહબરી હેઠળ એલ.સી.બી.ટીમ દામનગર પોલીસ સ્ટેશન વિસ્તારમાં પેટ્રોલીંગમાં હોય, તે દરમિયાન બાતમી રાહે હકિકત મળેલ કે, એક પીકઅપ વાહનમાં ભારતીય બનાવના વિદેશી દારૂની બોટલો ભરી ઢસા તરફથી આવે છે.
જે હકિકત આધારે દહીથરા ગામ પાસે વોચમાં રહી ગારીયાધાર તાલુકાના પચ્છેગામ રહેતાં નરેશભાઇ નાગજીભાઇ બોદરા નામનાં ઇસમને મહારાષ્ટ્ર બનાવટની કુલ બોટલ નંગ- 1769 જેની કિમત રૂપિયા 3,56,045 તથા મોબાઇલ ફોન નંગ 1 કિંમત રૂપિયા 500, પીકઅપ વાહન નં. જી.જે.27. એકસ 9680 કિંમત રૂપિયા 7,00,000 મળી કુલ રૂપિયા 10,56,545 ના મુદ્દામાલ સાથે ઝડપી લઇ, પકડાયેલ આરોપી તથા સંડોવાયેલ આરોપી વિરૂધ્ધ પ્રોહી. ધારા તળે કાર્યવાહી કરી.
પકડાયેલ આરોપી તથા મુદ્દામાલ આગળની કાર્યવાહી થવા દામનગર પોલીસ સ્ટેશનમાં સોંપી આપેલ છે. જ્યારે આ બનાવમાં લીલીયા તાલુકાના ટીંબડી ગામે રહેતાં અલ્પેશ ઉર્ફે કાળુ સુરેશભાઇ શેલાર નામનાં આરોપીની શોધખોળ આદરી છે.
