(રવિ નિમાવત દ્વારા)
Morbi તા.૩૦
નવી ક્લાવડી ગામની સીમમા સગા ભાઈઓને વાડીના શેઢે પડેલા પથ્થર મામલે બોલાચાલી થયા બાદ પથ્થરના છુટા ઘા કરી સગા ભાઈ-ભાભી સહિતના ત્રણ આરોપીઓએ ઈજા પહોંચાડી હતી વાંકાનેર તાલુકા પોલીસે ફરિયાદ નોંધી તપાસ ચલાવી છે
વાંકાનેર તાલુકાના નવી ક્લાવડી ગામે રહેતા સાજીભાઈ હૈયાતભાઈ ઈબ્રાહીમભાઈ શેરશીયા (ઉ.વ.૬૩) વાળાએ સગા ભાઈ આરોપી હુશેનભાઈ હૈયાત ભાઈ શેરશીયા, હલુબેન હુશેનભાઈ અને રેનીશ હુશેનભાઈ રહે ત્રણેય નવી ક્લાવડી વિરુદ્ધ ફરિયાદ નોંધાવી છે કે ફરિયાદી અને આરોપી સગા ભાઈઓ થતા હોય બંનેની વાડી એક શેઢે આવેલી છે ફરિયાદીની વાડીના શેઢા પાસે પથ્થર પડેલા હોવાથી આરોપી હુશેને પથ્થર લઇ લેવાનું કહ્યું હતું જેથી મારો દીકરો પથ્થર અહીંથી લઇ લેશે કહેતા આરોપીઓને સારું નહિ લાગતા પથ્થરના છુટા ઘા કરી ફરિયાદી સાજીભાઈને ડાબા હાથ પગ અને ડાબા પડખાના ભાગે મુંઢ ઈજા કરી હતી વાંકાનેર તાલુકા પોલીસે ત્રણેય આરોપીઓ વિરુદ્ધ ફરિયાદ નોંધી તપાસ ચલાવી છે
