Morbi,તા.16
નાગલપર ગામે રહીને ખેત મજુરી કરતા શ્રમિક પરિવારના સગીર વયના બાળકનું એક ઇસમ અપહરણ કરી ગયો હતો જે બનાવ મામલે મોરબી તાલુકા પોલીસે ફરિયાદ નોંધી તપાસ ચલાવી હતી જેમાં આરોપીને ઝડપી લઈને ભોગ બનનાર બાળક તેના પરિવારને સોપવામાં આવ્યો છે
મોરબી તાલુકા પોલીસ ટીમ સગીર વયના બાળકના અપહરણની ફરિયાદને પગલે તપાસ ચલાવતી હતી જેમાં સર્વેલન્સ ટીમને હુમન સોર્સ દ્વારા બાતમી મળી હતી કે બાળકનું અપહરણ કરનાર અને ભોગ બનનાર બંને રાજકોટ શહેર પાસેના નવાગામની સીમમાં રવિભાઈ ડાંગરની વાડીએ છે જેથી ટીમે સ્થળ પર તપાસ કરતા ભોગ બનનાર બાળક મળી આવતા સહી સલામત પરિવારને સોપવામાં આવ્યો છે અને આરોપી બબલુ ઉર્ફે લખન પ્રકાશ નીનામા (ઉ.વ.૨૭) રહે હાલ રાજપર ગામની સીમ મૂળ રહે એમપી વાળાને ઝડપી લઈને ધોરણસરની કાર્યવાહી હાથ ધરી છે
