Jamnagar,તા.10
જામનગરમાં ગ્રીન સિટી વિસ્તારમાંથી ઇંગ્લિશ દારૂ સાથે પસાર થઈ રહેલા એક વેપારીને પોલીસે ઝડપી લીધો છે, અને ઇંગ્લિશ દારૂ કબજે કર્યો છે. જેને દારૂ સપ્લાય કરનાર આરોપીને ફરાર જાહેર કરાયો છે.
જામનગરના સિટી એ. ડિવિઝનના પોલીસ સ્ટાફ દ્વારા રણજીત સાગર રોડ પર પેટ્રોલિંગ કરાઇ રહ્યું હતું, જે દરમિયાન અજયસિંહ રણજીતસિંહ રાઠોડ નામનો વેપારી ઇંગ્લિશ દારૂ સાથે પસાર થતાં પોલીસે તેની અટકાયત કરી લીધી હતી, અને તેની પાસેથી ત્રણ નંગ ઇંગ્લિશ દારૂની બાટલીનો જથ્થો કબજે કરી લીધો છે.
તેને ઉપરોક્ત દારૂ જામનગરના નાગેશ્વર વિસ્તારમાં રહેતા મુસ્તુફા ઉર્ફે લાડુ નામના શખ્સે સપ્લાય કર્યો હોવાથી તેને ફરાર જાહેર કરી શોધખોળ હાથ ધરી છે.
