Rajkot, તા.20
લોધીકા પીઆઇ યુ.આર.ડામોર પીએસઆઈ આઇ.એમ.સરવૈયા અને પોલીસ સ્ટાફ દ્વારા લોધીકા વિસ્તારના 18 જેટલા અસામાજીક તત્વોની યાદી તૈયાર કરવામાં આવેલ. બે ઈસમના ઘરના વીજ કનેકશન કાપી રૂ.15,000નો દંડ કરાયો હતો. બુટલેગર્સ 3 ઇસમો વિરુધ્ધ હદપારી પ્રપોઝલ તૈયાર કરેલ. 4 ઇસમો વિરુધ્ધ અટકાયતી પગલા લીધેલ. અસામાજીક તત્વોના બેનામી નાણાકીય વ્યવહાર બાબતે ખાનગી રાહે તપાસ હાથ ધરવામાં આવેલ છે.
કોટડાસાંગાણી પીઆઇ આર.એમ.રાઠોડ, કે.વી.પરમાર સહિતના સ્ટાફે રીઢા આરોપીઓના ઘરે તપાસ હાથ ધરેલી જેમાં (1) રામકુભાઇ બાવકુભાઇ માંજરીયા, રહે.અરડોઇ (2) વિનોદભાઇ અરજણભાઇ સોલંકી, રહે.કોટડા સાંગાણી (3) વિજયભાઇ મુળજીભાઇ પરમાર, રહે.કોટડા સાંગાણી) ના ઘરોમાં ગેરકાયદેસર વીજ કનેકશન જણાતા તે અંગે કાયદેસર કાર્યવાહી થઈ હતી.
વિરપુર પોલીસના પીઆઇ એસ.જી.રાઠોડના માર્ગદર્શનમાં બે ઇસમોના વીજ કનેક્શન કટ કરી તેઓને રૂ.70,000નો દંડ ફટકારેલ હતો. વિંછીયા પીઆઇ જે. પી. રાવના માર્ગદર્શનમાં પોલીસ સ્ટાફે 32 લોકોની યાદી તૈયાર કરેલી. જેમાં બે ઈસમના ઘરે ગેરકાયદેસર વીજ જોડાણ હોય, જે કટ કરાવી રૂ.19000નો દંડ ફટકારેલ હતો. 14 બુટલેગરની શખ્સની અટકાયત કરી 1 સામે પાસા અને 1 સામે હદપારીની દરખાસ્ત કરાઈ હતી.
જેતપુર તાલુકા પીઆઇ એ. એમ. હેરમા, જેતપુર સિટી પીઆઇ એ. ડી. પરમાર, વી. સી. પરમાર અને ટીમ દ્વારા આરોપીઓના ઘરે ચેકીંગ કરી તાલુકા વિસ્તારમાં બે વીજ કનેકશન કટ કરી રૂ. 24584નો દંડ કરેલ. જ્યારે જેતપુર સિટીમાં 4 ઈસમના વીજ જોડાણ કટ કર્યા અને 2 આરોપીએ ભાડે મકાન આપી પોલીસને જાણ ન કરી હોવાથી જાહેરનામા ભંગની કાર્યવાહી કરી હતી. ગોંડલ પંથકમાં એએસપી ડો. નવીન ચક્રવર્તીના માર્ગદર્શનમાં ચેકીંગ કરાયું હતું.
