Morbi,તા.20
રાજ્યના પોલીસવડા દ્વારા ગુનેગારોની યાદી તૈયાર કરવાની સુચના અન્વયે પોલીસ ટીમો એક્ટીવ મોડમાં જોવા મળી રહી છે મોરબી જીલ્લામાં વિવિધ કામગીરી કરવામાં આવી રહી છે જેમાં મોરબી અને વાંકાનેર ખાતે ગુનાહિત ઈતિહાસ ધરાવતા ઇસમોની પૂછપરછ કરવામાં આવી હતી અને આવી પ્રવૃતિઓનું પુનરાવર્તન ના કરે તે માટે તાકીદ કરી હતી
મોરબી તાલુકા પોલીસ સ્ટેશન વિસ્તારના અલગ અલગ ગેરકાયદે પ્રવૃત્તિ સાથે જોડાયેલ ઈસમો જેવા કે પ્રોહી બુટલેગર, એમ.સી.આર વાળા ઈસમો અને શરીર સંબંધી તેમજ મિલકત સંબંધી ગુના કરવાની ટેવવાળા ઇસમોને એલસીબી કચેરી ખાતે બોલાવી પૂછપરછ કરવામાં આવી હતી તેમજ આવી પ્રવૃતિઓનું પુનરાવર્તન ના કરે તે માટે જરૂરી તાકીદ કરવામાં આવી હતી
તે ઉપરાંત વાંકાનેર સીટી અને તાલુકા પોલીસ સ્ટેશન દ્વારા સંયુક્ત રીતે વિસ્તારના અલગ અલગ ગેરકાયદેસર પ્રવૃતિ સાથે જોડાયેલ ઇસમો જેવા કે, પ્રોહી બૂટલેગર ,એમ.સી.આર.વાળા ઇસમો તથા એચ.એસ. તથા શરીર સબંધી તથા મિલકત સબંધી ગુનાઓ કરવાની ટેવ વાળા ઇસમોને બોલાવી આરોપીઓની પૂછપરછ કરવામાં આવી તથા આવી પ્રવૃતિઓનું પુનરાવર્તન ન કરે તે સંબંધે જરૂરી તાકીદ કરવામાં આવેલ અને આરોપીઓની હાલની પ્રવૃતિ અંગે જાણકારી મેળવવામાં આવી હતી
