Morbi,તા.06
મોરબીની માળિયા વનાળીયા સોસાયટીમાં રહેતી મહિલાની દીકરી રીસામણે હોય જેનો ખાર રાખી ત્રણ ઇસમોએ દીકરી સહિતના ચારને માર મારી ઈજા કરી જાનથી મારી નાખવાની ધમકી આપી હતી મોરબી બી ડીવીઝન પોલીસે ફરિયાદ નોંધી તપાસ હાથ ધરી છે
મૂળ વઢવાણના વતની અને હાલ મોરબીની માળિયા વનાળીયા સોસાયટી સો ઓરડી પાસે રહેતા પ્રભાબેન હસમુખભાઈ સોલંકી (ઉ.વ.૪૮) વાળાએ આરોપીઓ મનુભાઈ બાબુભાઈ બાંભણવા, વર્ષાબેન મનુભાઈ બાંભણવા અને સુમિત મનુભાઈ બાંભણવા રહે બધા માળિયા વનાળીયા વાળા વિરુદ્ધ ફરિયાદ નોંધાવી છે કે ફરિયાદીની દીકરી નયના તેના સાસરિયા સાથે મનદુઃખ થતા રીસામણે હોય જેનો ખાર રાખી ત્રણેય આરોપીઓએ ગાળો આપી હેતલબેનને ઢીકા પાટું માર મારી તેમજ નયનાબેનને ઢીકા પાટું માર મારી છુટા પથ્થર અને નળિયાના ઘા કરી હેતલબેન અને હિમાંશુને મુંઢ ઈજા કરી જાનથી મારી નાખવાની ધમકી આપી વશરામભાઈને ગાલમાં લાફો મારી અને લાકડી વડે માર મારી ઈજા કરી હતી મોરબી સીટી બી ડીવીઝન પોલીસે આરોપીઓ વિરુદ્ધ ગુનો નોંધી તપાસ હાથ ધરી છે
