Rajkot, તા.૨૯
ગુજરાતમાં ત્રણેક દિવસથી વરસાદનું જોર ઘટ્યા બાદ નવો રાઉન્ડ શરૂ થવાની તૈયારી છે. ગુજરાત રીજીયનમાં કાલથી ચાર દિવસ તથા સૌરાષ્ટ્ર-કચ્છમાં શુક્રવારથી ત્રણ દિવસનો વરસાદી રાઉન્ડની આગાહી જાણીતા વેધર એનાલીસ્ટ અશોકભાઇ પટેલે કરી છે. આ દરમિયાન અમુક સેન્ટરમાં અતિભારે વરસાદ થઇ શકે છે.
આજે તેઓએ તા.૩ ઓગસ્ટ સુધીની આગાહીમાં કહ્યું કે ગુજરાત રીજીયનમાં ૩૦-૩૧ જુલાઇથી મેઘસવારી શરૂ થશે. ૫૦ ટકા વિસ્તારમાં ૧૦૦ થી ૧૫૦ મીમી તથા બાકીના ૫૦ ટકા વિસ્તારમાં ૫૦ થી ૧૦૦ મીમી વરસાદ શક્ય છે. અમુક સેન્ટરોમાં કુલ વરસાદ ૨૫૦ મીમીથી પણ વધી શકે છે.
સૌરાષ્ટ્ર-કચ્છમાં ૩૧ જુલાઇને શુક્રવારથી ત્રણ દિવસ હળવો-મધ્યમ અને આઇસોલેટેડ સ્થળોએ ભારે વરસાદ શક્ય છે. અમુક સ્થળોએ ગાજવિજ-વિજળી તથા ૪૦ થી ૫૦ કીમીની ઝડપે પવન ફુંકાઇ શકે છે. ૬૦ ટકા વિસ્તારમાં ૩૫ થી ૭૫ મીમી, ૪૦ ટકામાં ૩૫ મીમી સુધી વરસાદ શક્ય છે. વધુ વરસાદવાળા સેન્ટરોમાં ૧૫૦ મીમીથી વધુ વરસાદની શક્યતા છે.
પૂર્વ-મધ્ય ભારત ઉપર આવેલું ડીપ ડિપ્રેશન આગામી ૨૪ કલાક દરમિયાન મુખ્યત્વે પશ્ચિમ તરફ આગળ વધે તેવી શક્યતા છે. આ સિસ્ટમ ચોમાસાની ટ્રફ તથા ઉત્તર-પશ્ચિમ મધ્ય પ્રદેશ ઉપરના અપર એર સાઇક્લોનિક સર્ક્યુલેશન સાથે ક્રિયાશીલ બનતા ગુજરાત રાજ્ય ઉપર ચોમાસાની પ્રવૃત્તિમાં વધારો થવાની શક્યતા છે.
વરસાદનો મુખ્ય રાઉન્ડ ૩૦ જુલાઈથી ૨ ઓગસ્ટ દરમિયાન રહેવાની શક્યતા છે. તેનો પ્રારંભ આશરે ૩૦ જુલાઈથી ગુજરાત રિજિયનમાં અને ત્યારબાદ ૩૧ જુલાઈ આસપાસ સૌરાષ્ટ્ર અને કચ્છમાં થવાની સંભાવના છે.
ઉપરોક્ત વરસાદની આગાહી હાલના હવામાન મોડેલો મુજબ ડીપ ડિપ્રેશન મુખ્યત્વે પશ્ચિમ તરફ આગળ વધશે તે ધારણા પર આધારિત છે. ગુજરાત રાજ્ય હાલની સિસ્ટમથી ઘણું પશ્ચિમ તરફ આવેલું હોવાથી રાજ્યમાં વરસાદનું વિતરણ અને માત્રા સિસ્ટમના ભાવિ માર્ગ, તેની તીવ્રતા તથા ચોમાસાની ટ્રફ સાથેની ક્રિયાપ્રતિક્રિયા પર આધારિત રહેશે.
જો સિસ્ટમના માર્ગ અથવા તેની ગતિમાં નોંધપાત્ર ફેરફાર થશે, તો સૌરાષ્ટ્ર, કચ્છ અને ગુજરાત રિજિયનમાં વરસાદના સમય, વિસ્તાર અને માત્રામાં પણ તે મુજબ ફેરફાર થઈ શકે છે.
ઉત્તર આંતરિક ઓડિશા અને લાગુ દક્ષિણ ઝારખંડ તથા છત્તીસગઢ ઉપર રહેલું ડીપ ડિપ્રેશન ૨૯ જુલાઈના સવારે ૫ઃ૩૦ વાગ્યે અંદાજે ૨૧.૯ / ૮૪.૦ નજીક કેન્દ્રિત હતું. આગામી ૨૪ કલાક દરમિયાન તે ઉત્તર આંતરિક ઓડિશા અને ઉત્તર છત્તીસગઢ તરફથી લગભગ પશ્ચિમ દિશામાં આગળ વધે તેવી શક્યતા છે.દરિયાઈ સપાટી પરની ચોમાસાની ટ્રફ હાલમાં અનૂપગઢ – પિલાની – સતના – ડીપ ડિપ્રેશનના કેન્દ્ર – પુરી થઈને ત્યાંથી ઉત્તર-પૂર્વ બંગાળની ખાડી તરફ પૂર્વ-દક્ષિણપૂર્વ દિશામાં લંબાયેલી છે.ઉત્તર-પશ્ચિમ મધ્ય પ્રદેશ ઉપર સરેરાશ સમુદ્ર સપાટીથી આશરે ૧.૫ કિ.મી. ઊંચાઈએ અપર એર સાઇક્લોનિક સર્ક્યુલેશન યથાવત્? છે. મધ્ય અને ઉપરના ટ્રોપોસિ્ફયરના પશ્ચિમ પવનોમાં ટ્રફ સ્વરૂપે વેસ્ટર્ન ડિસ્ટર્બન્સ ૭૨અ ઊ રેખાંશ નજીક તથા ૩૨ઓગ અક્ષાંશની ઉત્તર તરફ આશરે ૫.૮ કિ.મી. ઊંચાઈએ યથાવત્ છે.
