(રવિ નિમાવત દ્વારા)
Morbi તા.૫
ટંકારા તાલુકાના સરાયા ગામમાં મકાનમાંથી દાગીના અને રોકડ સહીત ૧.૭૨ લાખની ચોરીના બનાવમાં પોલીસે એક ઈસમને ઝડપી લઈને રોકડ રૂ ૯૩૦૦ અને મોબાઈલ સાથે ઝડપી લઈને કાયદેસર કાર્યવાહી હાથ ધરી છે
ગત તા. ૦૧ ઓગસ્ટના રાત્રીના સાડા દસથી તા. ૦૨ ઓગસ્ટના રાત્રીના એકાદ વાગ્યાના અરસામાં ટંકારા તાલુકાના સરાયા ગામમાં રહેતા ફરિયાદીના મકાનમાં પ્રવેશ કરી અજાણ્યા ચોર ઇસમેં લોખંડ કબાટની તિજોરીમાં રાખેલ સોનાની બે તોલાની માળા કીમત રૂ ૧,૫૭,૦૦૦ અને રોકડ રૂ ૧૫,૦૦૦ સહીત કુલ રૂ ૧.૭૨ લાખની મત્તા ચોરી થયાની પોલીસ ફરિયાદ નોંધાઈ હતી ટંકારા પોલીસે ચોરીની ફરિયાદ નોંધી તપાસ ચલાવી હતી જેમાં મોરબી રકોત હાઈવે પર જબલપુર ગામના પાટિયા પાસે દુકાન પાસે એક ઇસમ બંધ દુકાન પાસે આંટા ફેરા કરતો હતો
જે શંકાસ્પદ લાગતા પૂછપરછ કરતા સંતોષકારક જવાબ આપ્યો ના હતો જેથી યુક્તિ પ્રયુક્તિથી પૂછપરછ કરતા સરાયા ગામના મકાનમાંથી ચોરીની કબુલાત આપી હતી જેથી આરોપી કરણ મનુભાઈ વાછાણી (ઉ.વ.૪૦) રહે જુનાગઢ દોલતપરા વાળાને ઝડપી લઈને રોકડ રૂ ૯૩૦૦ અને મોબાઈલ કીમત રૂ ૫૦૦૦ નો મુદામાલ જપ્ત કર્યો છે અન્ય આરોપીઓ વિશાલ સોલંકી અને સુનીલ સોઢા રહે બંને જુનાગઢ વાળાના નામો ખુલતા વધુ તપાસ ચલાવી છે
