Rajkot તા.૧૪ઃ
ધર્મેન્દ્રસિંહજી આટ્ર્સ કોલેજ, રાજકોટ ખાતે તા. ૦૯/૦૯/૨૦૨૬ના રોજ વિદ્યાર્થીઓને રોજગારની યોગ્ય તકો ઉપલબ્ધ કરાવવા માટે Placement Fair / Campus Recruitment Driveનું સફળ આયોજન કરવામાં આવ્યું હતું. આ કાર્યક્રમનો મુખ્ય હેતુ વિદ્યાર્થીઓને વિવિધ કંપનીઓના પ્રતિનિધિઓ સાથે સીધો સંપર્ક કરાવી તેમની રોજગારલક્ષી તકો વધારવાનો તેમજ વિદ્યાર્થીઓને કારકિર્દી માટે જરૂરી માર્ગદર્શન અને ભરતી પ્રક્રિયાનો પ્રાયોગિક અનુભવ આપવાનો હતો. આ Placement Fairમિાં કુલ ૨૦ વિદ્યાર્થીઓએ ઉત્સાહપૂર્વક ભાગ લીધો હતો. કાર્યક્રમ દરમિયાન વિવિધ કંપનીઓના પ્રતિનિધિઓ દ્વારા વિદ્યાર્થીઓ સાથે તેમની શૈક્ષણિક લાયકાત, કૌશલ્ય, સંવાદક્ષમતા, વ્યક્તિગત ક્ષમતા તથા કારકિર્દી સંબંધિત બાબતો અંગે ચર્ચા કરવામાં આવી હતી. વિદ્યાર્થીઓએ ઇન્ટરવ્યૂ, વ્યક્તિગત ચર્ચા, દસ્તાવેજ ચકાસણી અને ભરતી પ્રક્રિયાના વિવિધ તબક્કામાં સક્રિયપણે ભાગ લીધો હતો.
આ કાર્યક્રમમાં કુલ ત્રણ કંપનીઓએ ભાગ લીધો હતો. પ્રથમ કંપની M.B.A Global Enterprise દ્વારા રૂ. ૨.૩૦ લાખનું વાર્ષિક પેકેજ ઓફર કરવામાં આવ્યું હતું. બીજી કંપની Rudra Wealth Finance દ્વારા રૂ. ૨૦,૦૦૦થી રૂ. ૫૦,૦૦૦ પ્રતિ મહિના સુધીના પગારની તક આપવામાં આવી હતી. ત્રીજી કંપની NIIT Pvt. Ltd. ICICI Bank દ્વારા રૂ. ૩.૧૨ લાખનું વાર્ષિક પેકેજ ઓફર કરવામાં આવ્યું હતું. આ કંપનીઓની ભાગીદારીથી વિદ્યાર્થીઓને વિવિધ ક્ષેત્રોમાં ઉપલબ્ધ રોજગારની તકો વિશે મહત્વપૂર્ણ માહિતી અને માર્ગદર્શન પ્રાપ્ત થયું.
Placement Fair વિદ્યાર્થીઓ માટે ખૂબ જ ઉપયોગી અને પ્રેરણાદાયી સાબિત થયો હતો. વિદ્યાર્થીઓને માત્ર રોજગારની તકો વિશે જાણકારી જ નહીં, પરંતુ ઇન્ટરવ્યૂ કેવી રીતે આપવો, કંપનીની ભરતી પ્રક્રિયા કેવી રીતે થાય છે, પોતાની કુશળતા કેવી રીતે રજૂ કરવી અને વ્યાવસાયિક ક્ષેત્રમાં સફળ થવા માટે કયા કૌશલ્યો જરૂરી છે તે અંગે પણ મહત્વપૂર્ણ અનુભવ મળ્યો. આવા કાર્યક્રમો વિદ્યાર્થીઓમાં આત્મવિશ્વાસ વધારવામાં તથા તેમને ઉદ્યોગજગત સાથે જોડવામાં મહત્વપૂર્ણ ભૂમિકા ભજવે છે.
કોલેજના આચાર્યશ્રી તથા Placement Cellના માર્ગદર્શન હેઠળ યોજાયેલ આ કાર્યક્રમ દ્વારા વિદ્યાર્થીઓને શિક્ષણ સાથે રોજગારલક્ષી કૌશલ્યો વિકસાવવાની ઉત્તમ તક મળી. કોલેજ દ્વારા આવા Placement Fairનિું આયોજન વિદ્યાર્થીઓના ઉજ્જવળ ભવિષ્ય અને સર્વાંગી વિકાસની દિશામાં એક મહત્વપૂર્ણ પગલું છે. સમગ્ર કાર્યક્રમ સફળતાપૂર્વક પૂર્ણ થયો હતો અને વિદ્યાર્થીઓમાં કારકિર્દી અંગે નવી આશા, ઉત્સાહ અને આત્મવિશ્વાસનો સંચાર થયો હતો
