(નયના દવે દ્વારા)
Jamnagar તા.૧૦ઃ
Jamnagar શહેરમાં વધુ એક યુવાનના હાર્ટ એટેકથી થયેલા અકાળ અવસાનના સમાચારથી શોકની લાગણી પ્રસરી છે.શહેરના શાંતિનગર વિસ્તારમાં રહેતા અને મૂળ સમઢીયાળા ગામના વતની અનિરુદ્ધસિંહ વિરમદેવસિંહ ગોહિલ (ઉંમર ૩૫ વર્ષ)ને ગઈકાલે સાંજે અચાનક છાતીમાં તીવ્ર દુખાવો ઉપડ્યો હતો. પરિવારજનો દ્વારા તેમને તાત્કાલિક સારવાર માટે હોસ્પિટલમાં ખસેડવામાં આવ્યા હતા.તબીબો દ્વારા જરૂરી સારવાર આપવામાં આવી હોવા છતાં તેમની સ્થિતિમાં સુધારો થયો ન હતો અને સારવાર દરમિયાન તેમનું દુઃખદ અવસાન થયું હતું.યુવાન વયે થયેલા તેમના નિધનથી પરિવારજનો, સ્નેહીજનો તેમજ રાજપૂત સમાજમાં શોકની લાગણી વ્યાપી ગઈ છે. તેમના અકાળ અવસાનના સમાચારથી ઓળખીતાઓમાં પણ દુઃખની લાગણી ફેલાઈ છે.
