New Delhi, તા. 16
કૃષિ ક્ષેત્રના વિકાસ તથા ખેડુતોના હિતમાં નવી નવી યોજનાઓ તૈયાર કરતી કેન્દ્ર સરકારે 24 હજાર કરોડના ખર્ચવાળી PM Dhan Dhanya Krishi Yojanaને મંજૂરી આપી છે. 36 યોજનાને મર્જ કરી તૈયાર કરાયેલી આ યોજના હેઠળ દેશના તમામ જિલ્લામાં કૃષિ માસ્ટર પ્લાન તૈયાર કરાશે અને તેમાં કૃષિ તથા તેને સંલગ્ન ઉદ્યોગોનો પણ સમાવેશ કરાશે.
કેન્દ્રીય મંત્રીમંડળે 36 યોજનાઓને જોડીને વાર્ષિક 24,000 રૂપિયાના ખર્ચ સાથે PM Dhan Dhanya Krishi Yojanaને મંજૂરી આપી છે. માહિતી અને પ્રસારણ મંત્રી અશ્વિની વૈષ્ણવે આ જાહેરાત કરી છે.
સરકારે નવીનીકરણીય ઉર્જામાં રોકાણ કરવા માટે NLCIL માટે 7,000 કરોડ રૂપિયાની પણ મંજૂરી આપી છે. આ ઉપરાંત, મંત્રીમંડળે NTPC માટે નવીનીકરણીય ઉર્જામાં રોકાણ કરવા માટે 20,000 કરોડ રૂપિયાની પણ મંજૂરી આપી છે.
PM Dhan Dhanya Krishi Yojana શું છે?
બુધવારે મંત્રીમંડળે છ વર્ષના સમયગાળા માટે PM Dhan Dhanya Krishi Yojanaને મંજૂરી આપી હતી. આ યોજના હેઠળ દર વર્ષે 24,000 કરોડ રૂપિયા ખર્ચ કરવામાં આવશે અને તે 100 જિલ્લાઓને આવરી લેશે. કેન્દ્રીય બજેટમાં જાહેર કરાયેલ આ કાર્યક્રમ 36 હાલની યોજનાઓને એકીકૃત કરશે અને પાક વૈવિધ્યકરણ અને ટકાઉ કૃષિ પદ્ધતિઓ અપનાવવામાં મદદ કરશે.
સંગ્રહ અને સિંચાઈ સુવિધાઓમાં સુધારો કરવામાં આવશે
કેન્દ્રીય મંત્રીમંડળમાં લેવાયેલા નિર્ણય અંગે માહિતી આપતાં માહિતી અને પ્રસારણ મંત્રી અશ્વિની વૈષ્ણવે જણાવ્યું હતું કે, PM Dhan Dhanya Krishi Yojana લણણી પછીના સંગ્રહમાં વધારો કરશે, સિંચાઈ સુવિધાઓમાં સુધારો કરશે અને કૃષિ ઉત્પાદકતામાં વધારો કરશે. આ કાર્યક્રમથી 1.7 કરોડ ખેડૂતોને લાભ થવાની સંભાવના છે.
NLC ઇન્ડિયા NIRL માં રૂ. 7000 કરોડનું રોકાણ કરી શકે છે
સરકારે બુધવારે NLC ઇન્ડિયાને તેની સંપૂર્ણ માલિકીની પેટાકંપની NIRL માં રૂ. 7,000 કરોડનું રોકાણ કરવાની મંજૂરી આપી હતી. આ નિર્ણય વડા પ્રધાન નરેન્દ્ર મોદીની અધ્યક્ષતામાં આર્થિક બાબતોની કેબિનેટ સમિતિએ લીધો હતો. આર્થિક બાબતોની કેબિનેટ સમિતિએ નવરત્ન સેન્ટ્રલ પબ્લિક સેક્ટર એન્ટરપ્રાઇઝ (CPSE) ને લાગુ પડતા હાલના રોકાણ માર્ગદર્શિકામાંથી NLC ઇન્ડિયા લિમિટેડ (NLCIL) ખાસ મુક્તિ આપવા મંજૂરી આપી છે.
એક સત્તાવાર નિવેદનમાં કહેવામાં આવ્યું છે કે, ‘આ વ્યૂહાત્મક નિર્ણય NLCIL ને તેની સંપૂર્ણ માલિકીની પેટાકંપની NLC ઇન્ડિયા રિન્યુએબલ્સ લિમિટેડ (NIRL) માં રૂ. 7,000 કરોડનું રોકાણ કરવામાં મદદ કરશે. આ હેઠળ, NIRL વિવિધ પ્રોજેક્ટ્સમાં સીધા અથવા સંયુક્ત સાહસ બનાવીને રોકાણ કરી શકશે. આ માટે પૂર્વ મંજૂરીની જરૂર રહેશે નહીં.”
NTPCને નવીનીકરણીય ઉર્જામાં રૂ. 20,000 કરોડના રોકાણની મંજૂરી મળી
કેન્દ્ર સરકારે બુધવારે જાહેર ક્ષેત્રની NTPC ને 2032 સુધીમાં 60 GW ક્ષમતા પ્રાપ્ત કરવા માટે નવીનીકરણીય ઉર્જા ક્ષમતા વિસ્તરણ પર 20,000 કરોડ રૂપિયા સુધીનું રોકાણ કરવાની મંજૂરી આપી.
માહિતી અને પ્રસારણ મંત્રી અશ્વિની વૈષ્ણવે વડા પ્રધાન નરેન્દ્ર મોદીની અધ્યક્ષતામાં આર્થિક બાબતોની કેબિનેટ સમિતિ (CCEA) માં લેવાયેલા નિર્ણયની માહિતી આપી. NTPC માટે અગાઉ મંજૂર મર્યાદા 7,500 કરોડ રૂપિયા હતી.
સરકારે કહ્યું છે કે, NTPC અને NGEL ને આપવામાં આવેલી પરવાનગી દેશમાં નવીનીકરણીય પ્રોજેક્ટ્સના ઝડપી વિકાસમાં મદદ કરશે. નિવેદનમાં કહેવામાં આવ્યું છે કે આ પગલું પાવર ઇન્ફ્રાસ્ટ્રક્ચરને મજબૂત બનાવવામાં અને દેશભરમાં ચોવીસ કલાક વિશ્વસનીય વીજળી પૂરી પાડવામાં રોકાણ સુનિશ્ચિત કરવામાં પણ મહત્વપૂર્ણ ભૂમિકા ભજવશે.
