(નયના દવે દ્વારા)
Jamnagar તા.૮
Jamnagar શહેર ની ઠેબા ચોકડી થી મહાપ્રભુજીની બેઠક તરફ એક શખ્સ મોટરકારમાં દારૂના જથ્થા સાથે પસાર થનાર હોવાની સિટી-એ ડિવિઝન સર્વલન્સ ટીમ ના વિજયભાઇ કાનાણી, યોગેન્દ્રસિંહ સોઢા અને રવિરાજસિંહ જાડેજા ને મળેલી બાતમીના આધારે સ્ટાફે વોચ ગોઠવી હતી.
આ દરમ્યાન દરમ્યાન સિટી એ ડિવિઝન ની સર્વલન્સ ટીમએ જી.જે.૦૬.ઇ.કયુ.૨૩૧૫ નંબરની વ્હાઇટ વેગેનઆર કારને આંતરીને તલાશી લેતાં કાર ના ચોરખાનામાંથી પોલીસે રૂા.૫૬,૪૦૦ની કિંમતની ઇંગ્લીશ દારૂની ૧૦૮ બોટલ અને રૂા.૧૦ હજાર ની કિંમત ના ત્રણ મોબાઇલ ફોન મળીને કુલ કિંમત રૂા.૩૦,૦૦૦ અને રૂપિયા ૦૫ લાખ ની કિંમતની મારૂતિ સુઝુકી કંપની ની વેગેનઆર કાર સાથે વિનોદ નાનજીભાઇ દામા (ઉ.વ.૩૮, રહે.ડો. કટારીયા ના દવાખાના નજીક, દિગ્વિજય પ્લોટ.૫૯, જામનગર) અને પ્રિયાબેન વિનોદ દામા (ઉ.વ.૩૭, રહે.ડો. કટારીયા ના દવાખાના નજીક, દિગ્વિજય પ્લોટ.૫૯, જામનગર) નામના દંપતીને દબોચી લઇ કુલ રૂા.૦૫,૮૬,૪૦૦ નો મુદામાલ કબ્જે કરી વધુ પૂછપરછ હાથ ધરી છે.
આ કામગીરી જામનગર સિટી-એ ડિવિઝન પોલીસ સ્ટેશન ના પીઆઇ વિપુલસિંહ ડોડીયા ના માર્ગદર્શન હેઠળ સર્વલન્સ ટીમ ના વિજયભાઇ કાનાણી, યોગેન્દ્રસિંહ સોઢા અને રવિરાજસિંહ જાડેજા ને મળેલ બાતમીના આધારે કરવામાં આવી હતી.
