Ahmedabad, તા.6
ધૂત ટ્રાન્સમિશન લિમિટેડનો તેના રૂ. 2ની ફેસ વેલ્યૂ ધરાવતા ઇક્વિટી શેરોનો આઈપીઓ સોમવાર, 10 ઓગસ્ટ, 2026ના રોજ ખુલશે. એન્કર ઇન્વેસ્ટર્સ માટે બિડીંગ તારીખ બિડ/ઓફર ખુલવાની તારીખના અગાઉના કામકાજના દિવસ એટલે કે શુક્રવાર, 7 ઓગસ્ટ, 2026 રહેશે. જ્યારે બિડ/ઓફર બંધ થવાની તારીખ બુધવાર, 12 ઓગસ્ટ, 2026 રહેશે.
આ ઓફર માટે રૂા. 2ની ફેસ વેલ્યૂ ધરાવતા દરેક ઇક્વિટી શેરનો પ્રાઇસ બેન્ડ રૂ. 829થી રૂ. 871 નક્કી કરવામાં આવ્યો છે. રોકાણકારો ઓછામાં ઓછા 17 ઇક્વિટી શેર માટે અને ત્યારબાદ 17 શેરના ગુણાંકમાં બિડ કરી શકશે. ફ્લોર પ્રાઇસ અને કેપ પ્રાઇસ અનુક્રમે ઇક્વિટી શેરની ફેસ વેલ્યૂના 414.50 ગણી અને 435.50 ગણી છે.
નાણાંકીય વર્ષ 2026 માટે કંપનીની ડાઇલ્યુટેડ ઇપીએસના આધારે પ્રાઇસ ટુ અર્નિંગ્સરેશિયો (ઙ/ઊ) પ્રાઇસ બેન્ડના નીચલા સ્તરે 33.98 ગણો અને ઉપરના સ્તરે 35.70 ગણો છે, જ્યારે સમાન ઉદ્યોગની અન્ય કંપનીઓનો સરેરાશ પી/ઈરેશિયો 55.31 ગણો છે. એમ્પ્લોઇ રિઝર્વેશન પોર્શન હેઠળ બિડ કરનારા પાત્ર કર્મચારીઓને દરેક ઇક્વિટી શેર દીઠ રૂ. 80નું ડિસ્કાઉન્ટ આપવામાં આવશે. છેલ્લા ત્રણ નાણાંકીય વર્ષ દરમિયાન નેટવર્થ પર સરેરાશ વેઇટેડ રિટર્ન 27.06 ટકા રહ્યું છે.
આ ઓફરમાં રૂ. 1,400 કરોડ સુધીના નવા ઇક્વિટી શેરના ફ્રેશ ઇશ્યૂ તેમજ હાલના કેટલાક શેરધારકો દ્વારા કુલ 1,91,37,602 ઇક્વિટી શેરના ઓફર ફોર સેલનો સમાવેશ થાય છે.
નેટ ઓફરના મહત્તમ 50 ટકા હિસ્સાની ફાળવણી ક્વોલિફાઇડ ઇન્સ્ટિટ્યૂશનલ બાયર્સને પ્રમાણસર ધોરણે કરવામાં આવશે, એ શરતે કેઅમારી કંપની, બુક રનિંગ લીડ મેનેજરો સાથે ચર્ચા કરીનેક્યુઆઈબી હિસ્સામાંથી મહત્તમ 60 ટકા હિસ્સો સેબી આઈસીડીઆર નિયમો અનુસાર એન્કર ઇન્વેસ્ટર્સને પોતાની વિવેકબુદ્ધિ મુજબ ફાળવી શકશે.
આ એન્કર હિસ્સામાંથી 33.33 ટકા હિસ્સો સ્થાનિક મ્યુચ્યુઅલ ફંડ માટે અને 6.67 ટકા હિસ્સો જીવન વીમા કંપનીઓ તથા પેન્શન ફંડ માટે અનામત રહેશે, એ શરતે કે સ્થાનિક મ્યુચ્યુઅલ ફંડ્સ, જીવન વીમા કંપનીઓ અને પેન્શન ફંડ્સ તરફથીએન્કર ઇન્વેસ્ટર ફાળવણીની કિંમત અથવા તેથી વધુ કિંમતે માન્ય બિડ પ્રાપ્ત થાય. જો એન્કર ઇન્વેસ્ટર હિસ્સામાં અંડર-સબ્સ્ક્રીપ્શન રહે કે ફાળવણી ન થાય, તો બાકીના ઇક્વિટી શેર ક્યુઆઈબી હિસ્સામાં ઉમેરવામાં આવશે.
